Duela bi hamarkada hasi zen Ibon Rodriguez Bizkaiko eszena independente eta esperimentalean parte hartzen, bai kontzertuak antolatzen (Kafea eta Galletak), bai beste musikarien lanak ekoizten eta moldatzen (Mursego, Xabier Montoia…), bai musikari gisa hainbat proiektu sortzen: Eten taldea edota ahotsezko inprobisazioa eta elektronika uztartzen dituen Gargara bikotea. Ibon RG erabateko pieza bilduma osatuz joan da, exekuzio gordin eta mezu sendokoa. Orain bakarkako lehen lana osatzen duten abestiak gehitu dizkio bere kantutegiari. Argazkia: Marina Suarez Ortiz de Zarate