2017.11.15
Mor More

Mor More

  • 2010 - 2017
  • Folka, Popa

Atzera

Kezko karetak (Sortu Dira Besteak jaialdian)

Egilea: Gotzon Aranburu

Bidarriak

Belarri ertzean entzun nahi ez duzun ahots bat 
esan beharrekoak isiltzen ari zaizu 
Gure malkoek elkar itotzen dute bainugelan 
bi usain eta itzal bakarra izara artean 
Irri bat, dantza baten erditik. 
Zalantzak urtu ahalko banitu barrutik 
ikusi non gelditzen diren, nondik hasi 
beti bide bera egiten didate trenbide zaharretik 

Ez aldendu dantzaren erditik 

Hosto marroi apurtuetan 
idatzi genituen gezur guztietan 
ezkutatzen gara, ezkutatzen dira 
gure gau desordenatuenen amaierak 
hasierak, hasieren amaierak, amaieren hasierak 
amaitzen ez diren hasieren hasierak 
sekula hasten ez diren amaieren hasierak, 
hasiera eta amaieren amaiera eta hasierak 
amaitugabekoen hasieren saiakerak 
hasitakoen beste hasieren hasierak 
berriz hasteko hasitako amaierak 
amaitzen hasiak diren amaiezin haienak 
amaitzera kondenaturiko hasiera ederrenak 
ahazten zaizkigun hasiera gabekoak 
gogoratzen diren amaiera bortitzenak...