Kontzertua

badok

2018.01.09

badok

Lekuek jaialdia

Gernikako hainbat elkartek elkarlanean antolatzen duten Lekuek jaialdiaren aurtengo ekitaldia martxoaren 3an hasi eta 11n amaituko da, eta ohi duenez, egitarau oparoa eskainiko du. Antolatzaileek dagoeneko ezagutzera eman dituzte berau osatuko duten hainbat talderen izenak, eta horien artean Balerdi Balerdi, Glaukoma eta Anita Parker daude. Iaz argitaratutako diskoak aurkeztuko dituzte hiru taldeek Gernikan. Balerdi Balerdiren kontzertua martxoaren 9an izango da Lizeo antzokian. Beste bi taldeenak ez dituzte oraindik iragarri.

Aipatu hiru taldeez gain, beste bi izen eman dituzte antolatzaileek: Nudozurdo eta The Reverend Shawn Amos.

Lekuek 2018

Kontzertuez gain, erakusketak, proiekzioak, tailerrak eta beste hainbat osagai bilduko ditu Lekuek jaialdiak. Bonoak urtarrilaren 26an jarriko dituzte salgai.

ETIKETAK:Anita ParkerBalerdi BalerdiGernikako LekuekGlaukoma