Fantasia deitzen da Eñaut Elorrietaren disko eta bira berria. Hamar kantu berriz osatzen den lan honetan Aitor Etxebarria izan du ekoizle eta bidelagun Eñautek. Azken bi urteetan eskuz esku egindako lanaren emaitza da Fantasia eta Eñauten berezko esentzia harrapatzen saiatu da Aitor, maitasuna hari duten kantu soil, bare eta ederrak biltzen dituen diskoan.

Kantu guztiak konposatu ditu artista gernikarrak, eta berak idatzitako hitzez gain Uxue Alberdi, Iñigo Astiz, Jose Luis Otamendi, Itziar Ugarte eta Amaia Lasa idazleen letrak musikatu ditu.

Zuzenekoetan, Fantasia laneko kantuekin batera bere ibilbide osoko kantuak eskainiko ditu Elorrietak bere ohiko zuzeneko musikariak eta hainbat gonbidatu berezi lagun.

Otsailaren 2ko oharra: Kontzertua maiatzaren 19ra atzeratu da, De amar y desandar disko berriaren argitalpen dataren aldaketa dela-eta. Sarrerek data berrirako balio dute. Itzulketei buruzko informazio gehiago: sarrera salmentaren atalean.

—

Idoia Asurmendi (ahotsa, pianoa, gitarra), Karlos Arancegui (bateria), Joanes Ederra (baxua), Ander Ederra (gitarra), Sergio Valdehita (pianoa)

Idoiak Victoria Eugenian estreinatuko du De amar y desandar bere bigarren diskoa. Aramaioko artista maitasunaz, hazkunde pertsonalaz eta bide horretan sortutako oroitzapenez hitz egiten duten abesti berriekin itzuli da. Bidaia bat urte hauetako bizipenetan barrena, non, bere kaligrafia bereziarekin, sentiberatasunez, samurtasunez eta folk, pop edo blues ukituez betetako abestiak hurbiltzen dizkigun berriro.

Idoia euskal musikaren oraina eta etorkizuna da. Emakume konpositoreen belaunaldi berri batek sortutako musika, non ahots propioa duen lore baten moduan nabarmentzen den Aramaiokoa.

Kantuaren muinerainoko bidaia dirudi Hasiera bat diskoak. Soinu geruzak gehitu eta gehitzearen tentazio oro baztertuta, kontrako bidea aukeratu baitu egileak: kantuak erantzi, hustu, kimatu… euren soiltasuna agerian utzi arte. Gordin. Eder. Horrexek egiten ditu, hain zuzen ere, harkaitza bezain gogor, haizeak astindutako hostoa bezain hauskor.

Aitor Garitanoren zuzendaritzapean Alboka taldearekin batera, Loinatz abesbatzaren kontzertua eskainiko da.

1978an Txomin Artolak kaleratutako Belar Hostoak diskoaren berrinterpretazioa egin zuen 2022ko martxoan, lagun talde batek. Jon Gurrutxagak jarri zien ahotsa artista hondarribiarraren abestiei, Antxon Sarasua, Andoni Etxebeste, Dani Venegas eta Urbil Artolak lagunduta. Artolaren abestiek kutsu modernoagoa eta gaurkotuagoa hartzen dute, pop eta folk estiloak bluesari eta rockari egindako keinuekin nahastuz eta hori eskaintzera etorriko dira Beasainera.

• Zuzendaritza artistikoa, margolanak, dantza, koregrafia, kantua, pianoa: Arantxa Lannes
• Musikariak: Ekhi Lambert, Pierre Sangla
• Kantu eta musika sorkuntzak: Peio Irigoyen, Arantxa Lannes, Ekhi Lambert, Miguel Etcheverry, Pierre Sangla

Kantuaren muinerainoko bidaia dirudi Hasiera bat diskoak. Soinu geruzak gehitu eta gehitzearen tentazio oro baztertuta, kontrako bidea aukeratu baitu egileak: kantuak erantzi, hustu, kimatu… euren soiltasuna agerian utzi arte. Gordin. Eder. Horrexek egiten ditu, hain zuzen ere, harkaitza bezain gogor, haizeak astindutako hostoa bezain hauskor.

Laugarren urtez, Ura Bere Bidean kontzertuak euskal musikarien kantuak eta herri kantuak musika sinfonikoarekin uztartuko ditu, bi egunez, urriaren 25 eta 26an, BEC Barakaldoko erakustazokako Bizkaia Arena pabilioian.

Artista hauek kantatuko dituzte Fernando Velazquezen egokitzapenak, getxoztar zuzendariaren beraren gidaritzapean: Süne, Olaia Inziarte, Janus Lester, Idoia, Bulego (Tom Lizarazu), Esti Markez, Zetak (Pello Reparaz), Olatz Salvador, Nøgen, Maren, Huntza (Josune Arakistain eta Uxue Amonarriz), Izaro, Eñaut Elorrieta, ETS En Tol Sarmiento (Iñigo Etxezarreta), Kalakan, Gatibu (Alex Sardui eta Haimar Arejita), Zea Mays (Aiora eta Piti), Mikel Urdangarin, Sorotan Bele, Mikel Markez eta Su Ta Gar (Aitor Gorosabel eta Xabi Bastida).

Aurtengo edizioan, gainera, Euskal Herritik kanpoko gonbidatuak izango dira, iaz Rozalen egon zen bezala: Celtas Cortos Valladolideko folk taldea, Reincidentes sevillarrak eta Jorge Drexler uruguaiar musikaria.

Bilboko Orkestra Sinfonikoak eta Bilboko Koral Elkarteak lagunduko ditu musikariok zuzenean.

Guztira 20 abesti, 20 kolaboratzailerekin. Horien artean: Phil Cunningham (Scotland), Michael McGoldrick (UK), Luar Na Lubre (Galiza), edo Iñigo ETS, Alex Gatibu edo Gozategi (EH) bezalako izenak aurkituko ditugu beste ezuste atsegin batzuen artean. Zorionak Korrontzi!