Badok » Skakeitan

Galera #9: Gorri edo beltz

Skakeitan — Tue, 22 Nov 2016 12:21:49 +0000

Diskoa ixten duen abestia da “Gorri edo beltz”. Pello Armendariz kantariak eta Borja Anton gitarristak aurkeztu digute abestia, baita azken kolaboratzailea ere.

Galera #8: Tu aprobación

Skakeitan — Mon, 21 Nov 2016 09:23:12 +0000

Galera diskoko azken aurreko abestia da “Tu aprobación”. Guztien artean “zailena” izan da sorkuntzari dagokionez, Pello Armendariz abeslariak eta Julen Idigoras bateria joleak azaldu dutenez. Kantu honetan ere kolaborazio bat izan du Skakeitan-ek.

Galera #7: Oakland

Skakeitan — Sun, 20 Nov 2016 11:32:20 +0000

Olatz Salvador teklatu joleak eta Gorka Valcarlos tronboi joleak aurkeztu digute “Oakland” abestia. Diskoko kanturik ezberdinena da, galderak piztuko dituen izenburua duena eta izen handiko kolaboratzaile batekin…

Galera #6: Herentzia

Skakeitan — Sat, 19 Nov 2016 09:10:24 +0000

Gorka Valcarlos eta Ander Zabala Skakeitan-en haize ataleko musikariek aurkeztu digute “Herentzia” abestia.

Galera #5: Koreografia zaharrak

Skakeitan — Fri, 18 Nov 2016 08:50:14 +0000

Borja Anton gitarristak eta Ander Zabala tronboi joleak aurkeztu digute “Koreografia zaharrak”, Galera diskoaren erdi-erdian jarritako abestia.

Galera #4: Lerro hutsen artean

Skakeitan — Thu, 17 Nov 2016 07:20:32 +0000

Lehen aldiz “nazioarteko artista batekin” lan egin du Skakeitan-ek Galera diskoan. Pello Armendariz abeslariak eta Julen Idigoras bateria joleak zalantza handi bat dute…

Galera #3: Gehiegi amesteko

Skakeitan — Wed, 16 Nov 2016 10:08:40 +0000

Iaz Mauka diskoetxeak argitaratutako Mauka Vol. 1 bildumarako grabatu zuen Skakeitan-ek “Gehiegi amesteko” abestia. Hala ere, Galera diskoan ere sartzea erabaki du taldeak, “inflexio puntua” izan zelako taldearen ibilbidean. Asier Iriondo baxu joleak eta Borja Anton gitarristak azaldu digute zergatia.

Galera #2: Zerua lurrera

Skakeitan — Tue, 15 Nov 2016 07:58:13 +0000

“Zerua lurrera” izan zen disko berria iragartzeko taldeak aukeratutako kantua. Bideokliparen formatua erabili zuten horretarako. Olatz Salvador teklatu joleak eta Asier Iriondo baxu joleak azaldu dizkigute abestiaren grabazioarekin lotutako zenbait kontu.

Galera #1: Galerari

Skakeitan — Mon, 14 Nov 2016 09:54:04 +0000

Skakeitan taldeak Galera lan berria aurkeztuko du azaroaren 23an, Albaola Itsas Kultur Faktorian (Pasaia). Bere baitan sorpresa eta gonbidatu ugari gordetzen dituen diskoa da, Higain estudioan Haritz Harreguyrekin grabatutako bederatzi kantuez osatua. Gaurtik aurrera, egunero abesti baten nondik norakoak ezagutuko ditugu bideo labur baten bidez. Lehenengo atalean, Pello Armendariz abeslariak eta Julen Idigoras bateria joleak diskoari sarrera ematen dion kantua aurkeztu digute.