Nahasketa prozesuan murgilduta konturatu gabe denbora eta egunak igaro dira… Grabazio prosezua bukatu eta gero nahasketekin ibili gara buru belarri azken egunotan. Atentzio handia jarri behar zaie nahasketei, azken finean diskoa bukatu orduko egiten duzun azken pausoa da. Gustura aritu gara, oso gustura, eta horrek gauza desberdin asko probatzeko aukera eman digu eta gauza askotan arriskatzeko.

Soinu gordina lortzearen aldekoak gara eta hori lortu dugu, baina momentuak eskatu ahala detaile eta soinu desberdinak gehituz.

Esan beharra dago lan honetan asko lagundu digula Iñigo Etxebarrieta Pitu-rekin lan egiteak. Estudioko lanak egiteaz gain, gure laguna da eta horrela izango ez balitz emaitza ez zen berdina izango, milesker IÑI!!! 

Aurreko egunetako ohiturari buelta bat eman diogu eta atzokoan gauez joan ginen estudiora. Mirriri abesteko falta zitzaizkion abesti biak bukatzera. Eroso eta lasai hasi zen Mirri diskoari izenburua ematen dion “_Amaierarik ez…” abestiaren estribilloak grabatzen. Tomak egin ahala itxura ederra hartzen hasi zen abestia eta detailetxo batzuk sartzeko okurrentzia ere eduki eta sartu genituen.

Hau bukatuta diskoko azken abestia grabatzeari ekin zion indartsu, gaueko ordu txikietaraino. Abesti azkarra eta indarrez betetakoa da eta orain dela urtebete joan zitzaigun persona bati eskainia dago, PULPO!! Bere omenez egin dugun abesti honek asko miresten genuen lagun honetaz hitz egiten du… Aproposa grabazioari amaiera emateko, berak nahiko zuen indarrararekin!!!! ZU ZARA ROCKA PULPO!!!

Dena grabatuta geratu da eta orain nahasketak egiteko ordua da!

Diskoa grabatzeko eta prestatzen eman ditugun orduen eta esfortzuen fruitua ikusten hasiak gara iada eta indarrez geundela nahasketa batzuk egiteari ekin diogu. Diskoaren amaiera hurbil ikusi dezakegula esan daiteke baina ez taldearen amaiera. Hori dela eta, diskoaren izenburua _Amaierarik ez… dela iragarri dezakegu!

Betiko zalantza: zein aukeratu?

Atzo baxuaren soinuan murgilduta ibili ginen, honek behar dituen xehetasun eta beharrizan denak zaintzen eta bilatzen. Gaur goiz-goizetik abiatu gara estudiora eta bertan baxuaren soinuaren bila jarraitu eta gitarrekin hasi gara. Hasieratik anplifikadore pila bat montatu eta hemen betiko dudak etortzen dira… zein aukeratu? (horrenbeste anplifikadoreren artean oso zaila eta aldi berean erraza da aukera bat egitea, material oso onarekin lanean ari baikara, eta horrek duda asko sortzen dizkizu). Proba batzuk egin eta bi soinu base aukeratu ditugu, eta horrekin egun osoa jardun dugu, proba pila bat eginda. Oso gustura gaude lortzen ari garen emaitzarekin eta irribarre batekin bueltatu gara etxera!!!

Atzo deskonexio eguna izan zen guretzako, ostera Pitu Muxikonen grabatutako abestien muntaketan murgilduta egon zen. Gaur arratsaldeko 15:00ak aldera baxuaren soinua bilatzen hasi gara. Bertako, utzitako eta etxeko makinekin. Bide batez, eskerrak eman nahi dizkiegu Sarkor eta Gatibu taldeko kideei baxuarentzako materiala uzteagatik.

Tooth taldeko kideak, Iñigo Etxebarrieta teknikariarekin.

Atzoko grabaketa saio luzea eta gero, gaurko eguna berandu hasi dugu. Goizeko ordu txikitan bukatutako abestia berriz ere entzun eta ezer faltan ez zegoela egiaztatu ondoren, honen muntaketari ekin diogu. Ez du luze iraun tarte honek, baina konturatu orduko jateko ordua iritsi da eta azken kantaren grabaketa jan osterako utzi behar izan dugu.

Indarrak hartu ostean, berriz ere estudiora jaitsi gara diskoa bukatzeko irrikitan. Nekea nabaria zen gelan geundenon artean. Behin estudioan sartuta, abestiari puntua hartzea kostatu zaigu, baina behin hau lortuta, abestiari hiru-lau buelta eman eta hau muntatzeari ekin diogu. Azkenik, hau prest utzi eta biharko eguna libre hartzea erabakiz, deskonexio tarte bat izatekotan, etzira arte esan diogu elkarri.

Sei abestietatik lau grabatu ditu taldeak egun bakarrean.

Goizeko bederatziak jota, iratzargailuak ere berea egin du. Gosari arina hartu eta berriz ere estudioan sartu gara. Atzo prest utzitako soinu frogarekin, lehenengo abestiari ekin diogu. Oraindik giharrak gogortuta, giroan sartzea kostatu zaigu baina lortu dugu lehen abestiarekin bukatzea jan orduko (1-0). Bazkaria ere ez da asko luzatu, estudioko orduak aprobetxatzeko asmotan.

Bigarren abestiarekin bukatu dugunerako, Sarkor taldeko lagunak ere agertu dira estudioan bisitatxoa egiten. Beraien ikuspuntua adierazi eta barre artean eman dugu arratsaldea. Orduak aurrera joan ahala, gu ere nekatzen joan gara, baina proiektu honetan jarritako ilusioak aurrera egiteko indarra eman digu. Afal ordurako, goizean pentsatzen ez genuena egitea lortu dugu, 6 abestietatik 4 grabatuta jada! (4-0)

Afarian deskonexio tartea ere izan dugu. Barre artean, aspaldi igarotako istorioak gogoratu ditugu. Berriz ere, sabela beteta, estudioan sartu gara laugarren abestiaren edizioarekin. Hau bukatuta, diskoa itxiko duen abestiari ekin diogu. Besteekin alderatuz, abesti luze eta pisutsuagoa da. Honekin gaurkoz bukatutzat eman dugu grabazio saioa. Biharko egunean editatu eta azken abestia grabatzeko asmoarekin oheratu gara, pozik eta ilusioz.

Bateriaren kajarekin izandako arazoak luzatu egin zuen lehen eguneko saioa.

Lanetik irten berri eta grabaketarekin hasteko lehenengo saioa izan da gaur. Hamar egunez luzatuko den grabaketa honetan, sei abestiz osatutako diskoa landuko dugu Iñigo Etxebarrieta Pitu-ren gidaritzapean Muxikon estudioan. Beti bezala, zuzenean grabatuko dugu, hirurok batera gelan sartu eta lokalean horren luzez prestatutakoa eskainiz. Lan hau, gure lagun handia zen Asier Mintegi Pulpo-ren omenez egingo dugu.

Gaurkoan soinu frogak egin ditugu eta taldekideon erosotasuna bilatu dugu. Instrumentuen soinua bilatzen arratsalde osoa jardun ondoren, frogak bukatzen zebiltzala bateriaren kajarekin arazoak izan dira. Hori dela eta, luzatu egin zaigu gaurko froga. Azkenean arazoari aurre egin eta soinu froga bukatutzat eman dugu goizaldeko hirurak aldera.

Bihar grabaketarekin hastera goaz!