Rockaren eta metalaren arteko mugan sailka daitezke Leioako (Bizkaia) laukote honen kantuak. Soinu gogorrak atsegin dituzte, baina melodiari garrantzi handia ematen diote. «Gustu desberdinak ditugu taldean, gutariko bakoitzak talde batzuk entzuten ditu, baina, oro har, abiadura eta indarra melodiarekin uztartzen dituzten taldeak gustatzen zaizkigu; Söber eta Berri Txarrak, esaterako», azaldu dute.