2014.05.26
Joseba Gotzon

Joseba Gotzon

  • 1952
  • Portugalete (Bizkaia)
  • Pop-rocka
  • Webgunea

Atzera

Padelitis
 

Padelitis

2007 - Hilargi


  • Si lo pruebas repites(Hitzak eta musika: Joseba Gotzon)
    facebook iconfacebook icon
  • Glamour(Hitzak eta musika: Joseba Gotzon)
    facebook iconfacebook icon
  • El padel enamora(Hitzak eta musika: Joseba Gotzon)
    facebook iconfacebook icon
  • Entre cuatro paredes(Hitzak eta musika: Joseba Gotzon)
    facebook iconfacebook icon
  • Paciencia(Hitzak eta musika: Joseba Gotzon)
    facebook iconfacebook icon
  • Mi Argentina del alma(Hitzak eta musika: Joseba Gotzon)
    facebook iconfacebook icon
  • Si has llegado a destiempo(Hitzak eta musika: Joseba Gotzon)
    facebook iconfacebook icon
  • El globito(Hitzak eta musika: Joseba Gotzon)
    facebook iconfacebook icon
  • Muñequita redondita(Hitzak eta musika: Joseba Gotzon)
    facebook iconfacebook icon
  • Padelitis(Hitzak eta musika: Joseba Gotzon)
    facebook iconfacebook icon
  • El deporte que mola(Hitzak eta musika: Joseba Gotzon)
    facebook iconfacebook icon

Formatua: CD


Azala: Inmaculada Gonzalez Arkaute


PARTAIDEAK

  • Joseba Gotzon, ahotsa, gitarra akustikoa, gitarra espainiarra
  • Iñigo Telletxea, bateria
  • Txema Garces, baxua
  • Xabi Lopez, gitarra elektrikoa, gitarra akustikoa
  • Pedro Hoyuelos, teklatuak
  • Mikel Errazkin, teklatuak, pianoa, koruak
  • Eva Sedeño, ahotsa, koruak
  • Jesus Ariza, gitarra flamenkoa

GRABAZIOA

Hondarribia, Marbella, Madril eta Urduliz


SOINU TEKNIKARIA

Mikel Errazkin


MOLDAKETAK

Pedro Hoyuelos, Mikel Errazkin


GENEROA

Hamar urte zituela hasi zen Joseba Gotzon (Portugalete, Bizkaia, 1962) musikan, herriko musika bandan. Interpretazioaren aldetik baino gehiago, sorkuntzaren aldetik interesatzen zaio musika Joseba Gotzoni, eta, hala, berak idatzitako letrekin eta musikarekin osatu zuen lehen lana, 1985ean: Inpotentzia (Hilargi Records). Mario Galindez (bateria eta ahotsa), Luis Regulez (baxua), Fran Rubio (teklatuak), Felix Santiago (ahotsa), Elisa Ruiz Manterola (ahotsa) eta Manuel Diego de Somonte (gitarra) izan zituen lagun. Ordurako Gau hotza izeneko singlea grabatua zuen (Hilargi), Akelarre taldeko Pako Diaz eta J. Markos Juaristirekin.

308

Joseba Gotzon. (Marisol Ramirez)

Bere ibilbidean bi etapa bereizten ditu artistak berak: bata, 1984tik 1995era artekoa, eta bestea, 1995etik gaur egunera artekoa. Lehen etapan “modaren eraginpean” zegoela zioen, pop komertzialetik gertu, irrati formulei begira. Etapa horretakoak dira, besteak beste, Botere zalantzakoak (Hilargi, 1987), Kalapo (Hilargi, 1991) -Kalapo taldea sortu zuen 1990ean- eta haren diskorik komertzialena, Made in Ris (Elkar, 1994). Disko horietako hitzak eta musikak Joseba Gotzonek egin zituen, Kalapo diskoko zenbait izan ezik: Marisa Gutierrez Cabriadaren kantu bat, Mercedes Estibaliz eta Iñaki Ojeda Martin de Butronek idatziriko beste bat eta Joseba Sarrionandiarena.

Gaztelaniazko Fuego y brasas dantza garaikideko ikuskizunarekin etorri zen haren ibilbidean aldaketa. Musika klasikoari heldu zion. Txeloa, biolina, biola, klarinetea eta beste erabiltzen hasi zen, eta estetika horrekin gusturago sentitzen zela konturatu zen.

1999. urtean gaztelaniazko Noegga, historias y leyendas (Nojako Udala), eta Nortasuna: selekzio baten historia diskoa etorri ziren (Keinu). eta Gontzal MendibilNiko Etxartekin egin zuen Nortasuna. Andoni Egaña bertsolariak idatzi zituen diskoko letrak, Joseba Gotzonek idatzitako Euskadiko Futbol Selekzioaren Historia liburuan oinarriturik, eta Iñaki Perurenak, Jose Angel Iribarrek, Josu Urrutiak eta Aitor Zabaletak parte hartu zuten grabazioan, besteak beste. Handik aurrera, hainbat bira egin zituen nazioartean; Georgian (2000n), Argentinan (2001ean) eta Venezuelan (2002an), esate baterako.

El cantante Joseba Gotzon ha presentado su nuevo disco, titulado "Gris"

‘Gris’ diskoaren aurkezpenean. (Monika del Valle / Argazki Press)

Eta itzultzean, 2003an, “heldutasunaren diskoa” grabatu zuen: Fotopoemak (Marrodan Olerki Elkartea), Portugaleteko Mario Angel Marrodan poetaren omenez. 11 poema euskaratu eta musikatu zituen, askotariko estiloetan, besteak beste jazza, boleroak eta swinga doinu klasikoagoekin tartekatuz. Blas Fernandez (bateria), Carlos Gracia Tato (kontrabaxua), Jose Luis Canal (pianoa) eta Luis Alberto Requejo (klarinetea) izan zituen lagun.

Autoprodukziora jo zuen 2006. urtean, Gris argitaratzeko. Berriro ere harenak dira diskoko letra ia denak, Mercedes Estibalizek eta Iñaki Ojeda Martin de Butronek idatzitakoa eta Jordi Baigetek egina salbu. Diskoarekin Argentinara eta Brasilera joan zen kantaria.

Padelitis pop-rock diskoa argitaratu zuen ondoren (Hilargi Records, 2007). Gaztelaniaz abestuta dago eta padel kirola da kantu guztiak lotzen dituen haria. Gotzonen azken lana Lau hormen artean da (Autoekoizpena, 2011), pop-rock estiloan eta Argentinako musikarien kolaborazioekin egina.

Testua: Ainara Gorostitzu