Txo

Txo

  • Itsasu (Lapurdi)

Gauaren borobiletan

Gauez egiten dut kanta
ilunaren mihisetan
‘ta beltzaren dirdira da
nire emazte bakarra

Ez da gelditzen sekulan
ispiritua korrikan
borobil etengabean
pentsaketaren balsean

Gorputza inarrosian
alde batetik bestera
Pozoina dago zainetan
burmuinara sapa igan

Begiak idekiz orain
Berantarekin orduak
Aintzinatu du denbora
Atzo bihar bihurtu da

Atzoko gau galdua
Berreskuratu nahian
Ondoko egun horietan
Atsemanen dut agian

Eta ezazula pentsa
Alferkeria dudala
Gauaren borobiletan
Lo egitea lana da…