Arrailduretan

Erortzen ez zauzkidan
Purruskak begietan,
Zonbat itzal inguruetan,
Xakur beltz bat ondoan,
Nahasi zauku tropan,
Soa umila ta errabia ahoan
Paretetan goraka,
Doidoi eskapi gira,
Urkiondoak mainatzen errekan,
Ta gu jendearekin batera, ipar ekialderat,
Haien multzoaz babesteko, gure eskuak batera,
Arroketan izozturik den bihotzaren xerka,
Ta gu iguzkiarekin azpitik, ipar ekialderat,
Eguna mendien gibelean iragaiterat,
Atzoko ilargiaren arrastoen xerka
Olerkiak utziko ditugu mundu hunen arrailduretarat botatzen ditugun
boteiletan.