Janus Lester-ek “Lore” izeneko bigarren diskoa aurkeztuko du.  Musikari berak adierazi duenez, “diskoa loratze baten metafora da: batzuetan ez dakigu landare batek zergatik ez duen loratzen, ura edo argia behar ote duen, baina faktore gehiago egon daitezke tartean. Hori bera gertatzen da sormen prozesuarekin ere”.

Diskoak hainbat kolaborazio berezi ditu. Izaro abeslaria “Nola hartu arnasa” kantuan aritu da, eta Neomak taldeak “Etxean” abestian parte hartu du. Musika aldetik, aberastasun handiko diskoa da, eta Mumford & Sons edo Stromae bezalako erreferente anglosaxoien eragina sumatzen zaio, berezko nortasuna galdu gabe.

Janus Lester eta bere taldeak (Garazi Esnaola, Mañan Arbelaitz, Julen Suárez, Andoni Arriola, Julen Barandiaran eta Javier Echarri) aurkezpen birarekin musikazaleak liluratzeko prest daude. “Lore” diskoak emozioen sakontasuna eta doinu aberatsak uztartzen ditu, eta zuzeneko emanaldietan guztia emateko prest daude.

Barkatu atrebentzia baina hona hemen Mikel Urdangarinek Mundua Eder ikusteko hamar arrazoi, hamar zauri, hamar muxu, hamar kantu. Eta nahiko ez badira, hartu lasai, beste hamaika kantatuko dizkizu.

Ez galdu aukera…

Ahotsa, gitarra akustikoa eta pianoa: Mikel Urdangarin.
Pianoa, teklatuak: Koldo Uriarte.
Gitarra elektrikoa: Rafa Rueda.
Baxua: Jon Cañaveras.
Biolina: Nika Bitchiashvili.
Bateria eta perkusioak: Ander Hurtado de Saratxo.
Kantu eta letren egilea: Mikel Urdangarin.
Mundua eder eta Udako gau epela kantuen letren egilea: Kirmen Uribe.
Zerua izar jario kantuaren letraren egilea: Harkaitz Cano.
Diseinua: Alain Urrutia.

Eneritz Furyak (Irun) euskarazko kantagintza berriaren ahotsetako bat da, etengabe eboluzionatzen ari den artista. Zuzenekoak eskaini ditu Tbilisiko (Georgia) Mutant Radio ospetsuan, Frantzian, Belgikan, Suitzan, Alemanian eta Italian.

Primavera Sound eta Euskal Herria Zuzenean (EHZ) jaialdietan aritu izan da Eneritz, eta bere alderdi esperimentalena garatuz joan da musikari zein soinu-teknikari gisa. Bi arnas (2022) dokumentalaren soinu-bandaren ekoizlea da. 2023tik hona Paisaiak proiektuan murgilduta dago, hainbat egoitza artistikotan sortutako ikus-entzunezko bost piezaz osatutako bilduma, sortuak izan diren lekuekin lotutako gaiak, irudiak eta soinuak oinarri dituena.

KE LEPO & FELIX BUFF

Gatibu taldeak kontzertua eskainiko du Foruen plazan, 22:30ean, bere agur-biraren baitan. Rock euskalduneko talde esanguratsuenetako bat da Gatibu, 25 urteko ibilbidea bete duena, eta abenduan emango duen azken agurra baino lehen eskainiko du kontzertua. Bere zuzenekoa festa hauetako une hunkigarrienetako bat izango da, ‘EH Distopikala’ izeneko azken diskoan oinarrituta, rocketik haratago doazen soinu berriekin.

BAT BAT BI

NO LIMITS

Folk abesti propioak, nagusiki euskaraz, bi ahotsetan kantatuak, tradizioa (zortzikoak, gigak, reel-ak, kalipsoak eta Erdi Aroko erritmoak) eta rock eta popa uztartuz. Ildo bereko bertsioren bat ere badute, soinu elektrikoak eta akustikoak bateratuz.

• Niko Brochado - Ahotsa, gitarrak
• Itziar Martínez - Ahotsa, panderoa
• Esther Gabiola - Biolina, akordeoia, koruak
• David Mellado - Bateria
• Jesús Rafael Martínez - Baxua

Haur eta familiei zuzenduta, euskaraz

Musika, umorea, antzerkia eta poesia uztartzen dituen ekimen eszeniko-musikala. Abestiek gure ingurumenarenganako maitasuna sustatzen dituzte eta elkartasunaren eta kulturartekotasunaren garrantzia azpimarratzen dute. Gertutik ezagutuko ditugu gure hezeguneetatik igarotzen diren txoriak. Abes dezagun denok batera!