Aneguria rap abeslariak Banden Lehia irabazi zuen iaz. (Luis Jauregialtzo/Foku)

Diskoa “oso potentea” dela adierazi du eta estilo eta melodia anitzak barnebiltzen dituela: “Ez dago rap askorik, oinarrietan bai. Reggae pixka bat ere du, baina, batez ere, Aneguria dago, rap modura abesten dituen abesti horiek pop mundura ekarriz”. Rap zalea edo bat-batekotasunean aritzetik oso bestelako diskoa da kaleratu berri duena. “Niretzat politena berak egin dituen melodiak dira, letrak aztertu behar dira, sexuaren gainean hitz egiteko duen naturaltasuna itzela da. Batek baino gehiagok eskuak burura eramango ditu”, erantsi du Aizpuruk. Abestiak Aneguriaren bizitzatik sortutakoak direla aipatu du, “nolabait bere bizitzaren pasarteak daude kantetan”.

Hiru oinarritatik abiatuta, estilo anitzak biltzen dituen diskoa da Percebe, dena edo ezebez. “Nire musika aldatu da nire erreferentziak aldatu direlako. Nik ekoizleak bilatzen ditut, eta haiek oso soinu konkretuak dituzte, beraz, haien soinua plazaratzen dut nirearekin nahasita; hau da, nire melodia eta letrekin batera”, azaldu du Aneguriak. Zortzi abestirekin osatu du diskoa, eta hiru ekoizlerekin egin du lan: doinuen araberako ekoizleak izan ditu aldamenean. Berak sortutako hitz eta ahotsekin nahastu ditu  ekoizleek sortutako musika oinarriak. “Lehenengo ekoizlearen kutsua oso elegantea da, baina ezin dut esan bera nor den. Hurrengo hiru abestiak Ikki-k egin ditu, egun artista onenei abestien oinarriak egiten dizkion ekoizlea eta, beraz, honen kutsu komertziala ere badu diskoak. Azkenik, Axular Arizmendik txeratutako oinarri elektronikoa dago”.

Diskoaren helburuak argi ditu abeslariak. Lau zerrendatu ditu: elektronikoa eta potentea izatea, musika komertziala biltzea, dantzatzeko baliagarria izatea, eta berbenen giroarekin apurtzea” . Emaitzarekin harro, zuzenekoetan berebiziko ikuskizuna eskainiko du Aneguriak, diskoari bere bat-batekotasuna txertatuz.

Banden Lehiak 10 urte
Gaur bertan eman zaio hasiera Azkue Fundazioak antolatzen duen musika-lehiaketaren hamargarren edizioari. Euskal musika sustatzen duen lehiaketak, musika talde amateurrik onena aukeratzen du; euskara eta teknologia uztartuz. Ospea lortu du edizioz edizio, eta Aneguriaz gain, beste hainbat artistek irabazi dute lehiaketa, besteak beste, Eskean Kristö, Enkore edota Zazkel.

Taldeek gaurtik urriaren 26ra bitarte eman ahalko dute izena internet bidez, euren kantak Banden Lehiako webgunean argitaratuz. Publikoak Twitter bidez eman ahalko du botoa eta ondoren epaimahaiak hori kontuan izango du lau finalistak aukeratzeko. Behin finalistak aukeratuta, Azaroaren 17an zuzeneko kontzertua eskainiko dute Bilborocken eta prozedura bera jarraituz erabakiko dute irabazlea.

Aurten hamargarren edizioa izanik, sari kopurua handitu dute. Hortaz, lehenengoak jasoko duen sariaz gain –bi jaialditan jotzeko aukera eta Baga Bigarekin diskoa kaleratzea– beste hiru finalistek ere sariak jasoko dituzte. Bigarrenak  bere kanta baten bideoklipa grabatuko du, hirugarrenak datorren urteko Mundaka jaialdian hartuko du parte eta laugarrenak 500 euroko saria jasoko du.

Gaizka Salazar, Josu Aginaga, Mikel Caballero eta Jurgi Ekiza, atzo, Kafe Antzokian. (Luis Jauregialtzo / Fokus)

“Diskora joz, agian oihartzunen bat senti dezakegu aurreko talde horietakoa, baina nahiko urruna; oro har, berritasun asko dakartza, freskotasun handiko diskoa da, kantuek garapen eta konponketa oso bereziak dituzte eta atzetik istorio pertsonal bat dagoela nabari da” azaldu du Jon Basaguren musikaria, taldearen komunikazio lanetan murgildurik. Diskoa interesgarria izateaz gain, kolaborazioek “puntu” bat gehitzen diotela nabarmendu du. Besteak beste, Eñaut Gaztañagaren programazioak, Juan Alberto Batiz-en gitarra, Akatz taldeko haize sekzioa eta Ander Erzillaren saxoa aditu daitezke diskoan zehar. Horretaz gain, Josu Aginagaren gitarrak lagunduta ibiliko dira hurrengo hilabeteetan eskainiko dituzten zuzenetan.

“Egia esanda, hasiera batean ez neukan pentsatuta disko bat kaleratzea ezta talde bat sortzea, eta are gutxiago nik sortutako abesti horiek zuzenean jotzea” aitortu du Gaizka Salazarrek. Kantugintza min pertsonal batetik abiatutako bidea izan zen harentzat; “hortik hasi nintzen etxean kantu txiki batzuk egiten, letren bidez ideia batzuk azaleratzen eta pixkanaka handituz joan da dena”. Bai familiak eta baita lagunek asko animatu dutela adierazi du eta, horri esker hartu zuela taldea eratzeko erabakia.

Taldekideak aukeratzeko orduan ez zuen dudarik izan Salazarrek, Caballero aspalditik ezagutzen zuen eta “anaia” bezalakoa da harentzat; Serna eta Ekizarekin ordea ez zuen hainbesteko harremanik eta “dudaz beterik” kontaktatu zuen haiekin: “egun, oso pozik nago musika haiekin konpartitu izanaz, hasieran beldurtuta hots egin nien baina, gero, denak batu ziren proiektura”. Prozesua ere, berezia izan dela nabarmendu du. Normalean talde bat elkar ezagutzen da lehendik, batera entseatzen du, parrandak botatzen ditu eta musika konpartitu egiten dute. “Oraingoan ordea bestelakoa izan da, bakarka konpartitu ditut haiekin nik etxean konposatutako abestiak eta grabatutako maketa, beraz, nolabait esanda, estudioan ezagutu dugu elkar”. Hala ere, hasieratik konexio ikaragarria izan dutela dio, “kanta batzuk lehenengo entseguan jada primeran ateratzen zitzaizkigun; prozesu polita izan da benetan, nituen espektatibak nabarmen gainditu egin ditu”.

Antipodetan
Diskoaren izenburuak, proiektuaren atzetik dagoen istorio pertsonalari egiten dio erreferentzia. Salazarrek aita galdu zuen orain dela bost urte eta horren ondorioz, pare bat urte “noraezean ibili zela” azaldu du. “Antipodetan sentitzen nintzen, amatatuta eta burua beste toki batean nuela, hala hasi nintzen kantuak idazten eta konposatzen”. Intimitatetik sortutako egitasmoa da beraz, EraBatera taldea, pixkanaka handituz joan dena. “Ez dakigu noraino helduko garen, guk ez diogu helbururik ezarri proiektuari, denboran ahalik eta gehien luzatzea gustatuko litzaiguke baina ez gara horrekin tematuko ere”. Diskoak harrera ona izan duela uste dute. Aitzitik Salazarren aburuz, patxadaz entzun beharreko lana da, kantu komertzialik ez duena eta denborarekin proiekzioa izan dezakeena; “nik ibilbidea ikusten diot, eta ilusioa behintzat badago”. Jada kontzertu batzuk dituzte lotuta, batez ere azaroan zehar –lehenengoa Bilboko Kafe Antzokian izango da, azaroaren 8an–. Jaialdiren batean aritzeko eskaintzak ere jaso dituztela aitortu du Salazarrek, beraz, “ikusiko da zenbaterako ematen duen egitasmoak”.