Behin soilik

Dirutza handitzea helburu
berdin zaie zein den kostua
pentsatzen dutelako
ordaindu beharko ez dutela

Haien banku kontutan
ez da inoiz txanponik sartzen
dena ongi gordeta
etxetik oso urrun

Boterea behin soilik edukita
aski izango nuke
Munduaren jabeek
hil arte sufri dezaten

Ume txikien antzera
diruarekin jolasean
etorriko dena mespretxatuz
haien ekintzen ostean

Eskuak garbi edukiz
besteek lanean aritu
denon poltsikoak utsik
ta gutxi batzuena handitu

Guztion haserrea jaso
hainbat bizitza suntsituz
ta ez zaienez zigortzen
ukiezinak sentitu

Boterea behin soilik edukita
aski izango nuke
Munduaren jabeek
hil arte sufri dezaten
Irribarreak ostikada batez
ahotik kendu
ta ostutakoa
guztion artean banatu