Nafarroako bost musikarik osatzen dute Aingura punk-rock taldea. Mezu kritikoa dute gazteek bizi dituzten mota guztietako gaitzen inguruan: «Itxaropenik eza, neoliberalismoa dimentsio guztietan, biolentzia psikologikoa, ekonomikoa, soziala eta politikoa…». 2023. urtean lehen EPa kaleratu ondoren, 2025ean iraupen luzeko bi disko argitaratu zituzten: Garenaren arrazoia eta Diraki taldearekin partekatutako Arima.