Itotzear

Basoan, euripean,
lokatzez osatzen bere erraiak.
Hostoen aterpean,
ezkurrak salbu al dira?

Bizitza miresgarriak salgai dira hor kanpoan,
austeritatea, berriz, edozein zokotan doan.

Ospearen keaz dira haien patrikak gainezka,
laguntasun herrenduen distopia zimel honetan.
Leporaino da sasiaz,
asun eta arantzazko jantziaz.
Leporaino den sasiaz

itotzear da,
erauztear da,
biluztear da,
ihartzear da,
zimeltzear da.