Elorrioko Lor taldearen errautsetatik sortu da Antton. Abeslariaren izena hartu badute ere, talde egitasmoa da. Antton Uriarte da taldeko kantaria eta berben egilea, Lor taldeko Lander Irazola gitarrista eta ahotsa, Rami Unzeta bateria jotzailea, Mikel Nuñez teklatu jotzailea eta Txaber San Pedro baxu jotzailea. Uriarteren ahots sakona Lor taldeko kide ohien rock astinduekin uztartuz, power pop doinuak gailentzen dira taldean.
