Nirekin nago

Eguzkia sartzen hasi zait
erraietatik kanpo.
Garunaren malko gazia
lehortutako errekaraino.

Haizeak zeharkatu du
nire bekainaren horma.
Barnerako izpi-bidean
ardo garratza dariola.

Nire mendien bazterretan
nahasi zait iragana.
Hankarteko orbain itxiek
sutan jarri dute oihana.

Sustraietatik haratago.
Zilbor-estetik haratago.
Nirekin nago. Nirekin nago.

Sustraietatik haratago.
Zilbor-estetik haratago.
Nirekin nago. Nirekin nago.

Sustraietatik haratago.
Zilbor-estetik haratago.
Nirekin nago. Nirekin nago.