Ipar haizea sartu da
Eta nire mamuekin elkartu naiz
Hemen hostoak lehenago erortzen dira
Eta nire belaunaldiko gazteen
Antza hartzen diet
Zeruak bat egiten du lakuan
Itotzen den ibaiarekin
Eta ez da geurean bezala
Korronte alde hilda azaltzen den
Izokinik ageri
Nire buruari gerra deklaratu diot
Baina bandera zuriaren zain nago
Eta gerrari bai esaten diot
Odolik ba ote dudan
Ikusi nahi dudalako
Gerrari bai esaten diot
Hitzaz eta gitarraz armatuta nagoelako
Ardoa eta emakumeak maite ditudalako
Aske izateko beharra dudalako
Baietz esaten diot gerrari
Etorkizunik ez dagoelako
Eta militantziak denari bai esatera
Behartu nauelako
Zuregatik esaten diot gerrari baietz
Nire abertzaletasunaren amarauna
Bezain ahula zarelako
Eguzkia lakuan ezkutatzen da
Gorri eta handi
Nire bihotza bezain gorri
Eta gerrari bai esaten diot
Gerrak bakea eskatzeko eskubidea ematen didalako
