Atsedena

Loratzen da mendia, begira koloreak,
azaltzen da orain arte sentitutako dena.
Egutegiak dio udaberria dela
eta honekin batera atseden tarte bat.

Zeruari begira, gaur ez zaitut ondoan,
bizitzen aldaketak, aldaketen bizitza.
Orain ez da garaia gu elkar egon gaitezen
eta horregatik hain zuzen kanta hau dizut idazten.

Azkenean norbera da bere bizitzaren gidari,
oroitzapenen nagusi eta lagun baten zaindari.
Behar duzun guztietan lagun bat hemen daukazu,
distantziak galarazi ezingo duenetakoa.

Denboraren nozioa galduta omen daukat,
oraindik ez baitut harrizko bihotza.
Zergatik egin negar eta ezin arnas?
gauzak aldatu dira betirako antza.

Barneak erraustuta gelditu naiz orain,
maletak hartu eta hemendik banoa.
Ez dut aise ahaztuko bizi dugun guztia,
hemendik eta zuretzat besarkada erraldoia.

Azkenean norbera da bere bizitzaren gidari,
oroitzapenen nagusi eta lagun baten zaindari.
Behar duzun guztietan lagun bat hemen daukazu,
distantziak galarazi ezingo duenetakoa.