Momenturik okerrenean

Aztarna bat topatu dut, Haren atzetik daramat,
Zarata txiki bat, gorputz mugimendu bat,
Ez dakit nora naraman, nora naraman

Bapatean agertu zait eta kea balitz joan da,
Kafe huts bero bat,
Beste huts bero bat,
Esnatu beharra daukat, beharra daukat.

Berriz zutaz gogoratu naiz,
Izarrak urdin bihurtzean,
Dena dantzatu genun, gorputzak gazi zeuden
Neguko gau itxi hartan, gau itxi hartan.

Ezin gintun inork lagundu,
Bowieren hitz goxotan
Ni ez naiz errege izango, zu inoren erregin,
Heroiak soilik izan ginan, gau bakar batez.

Ez dizut esango debekatutako hitzik
Irtenbide ate bat baina askoz gehiago izan zinela
Sentitzen dut beneta, harrapatu ninduzun
Nere momenturik okerrenean.