Eguzkiarekin bat, leihotik sartu da
maindireak hegan jarri dituen eguna.
Gogoa dut irmo, begirada ziur,
oinkada bat ez da hurrengoaren beldur.
Malda latzena
bat-batean lautada zabal;
kate guztiak askatu ditut,
indar berri bat daramat soinean jauzika.
Geldituko nauen oztoporik ez da;
inertzia lagun, bihozkadak zerumuga.
Grabitatearen legea tolestuz
bidezidorretan noa infinitura.
Malda latzena
bat-batean lautada zabal;
kate guztiak askatu ditut,
indar berri bat daramat soinean jauzika.
