Horma altuak eraiki ditut
kanpoan zer dagoen ez ikusteko.
Irribarre atseginak prestatu ditut
inork nire barnean begira ez dezan.
Plastikozko zoriontasuna,
birziklatutako arima.
Burdinezko malkoak zizelkatu ditut
une egokietan isurtzeko.
Eguzki kiskalgarriak besarkatu ditut
nire zainetako izotza urtzeko.
Plastikozko zoriontasuna,
birziklatutako arima.
Barrutik, hautsita milaka zatitan.
Barruan, gordea nire egonezina.
Barrutik, ahaztuak amets izorratuak.
Sugarra bihurtu da errauts bustietan.
Etsai gaiztoak asmatu ditut
nire gudaren aitzaki bihurtzeko.
Laban erdoilduak zorroztu ditut
nire azaletik bizkarroiak erauzteko.
Plastikozko zoriontasuna,
udaberri birziklatua.
Barrutik, hautsita milaka zatitan.
Barruan, gordea nire egonezina.
Barrutik, ahaztuak amets izorratuak.
Sugarra bihurtu da errauts bustietan.
Zarataren artean murgilduta bizi naizenez
ezin dut ezer esan ezta entzun
eguzkiak berotu ezin duen harria.
Jendearen artean baztertuta bizi naizenez
ezin dut ezer esan ezta entzun
eguzkiak argitu ezin duen itzala
Barrutik, hautsita, milaka zatitan...
Barrutik, hautsita, milaka zatitan...
