Hilerri ahaztu honetan
hondakinen artean
ez da isiltasuna baino
nirekin geratu.
Zulo estuetatik
agurtu ditzaket:
beleak.
Gorpu hotzak negar egiten
dugun kristal urtuaz,
elikatzen dira hemen piztiak;
lur-azpiko biztanleak.
Zulo estuetatik
agurtu ditzaket:
beleak.
Haien oihuek hiri osoa
erre zuten;
lapurtu zidaten,
egunsentia, eguzkia,
nire zerraldoko
giltza bakarra.
Lur hezeko ohe honetan,
egurrezkoa da zerua,
atzoko nahi agorrezinen
kea arnasten duena.
Zulo zikinetatik
agurtu ditzaket:
beleak
Haien barreek hiri osoa
erre zuten;
lapurtu zidaten,
egunsentia, eguzkia,
nire zerraldoko
giltza bakarra.
