Esandako hitzen esan nahi ezkutua,
zure begien sarrail itxiak.
Oinatz ezagunak bide ezezagunetan,
oihartzun hurbilak urruntasunean.
Gure etorkizunaren arrastoak
iraganetik zeuden bananduak.
Horrenbeste izan genuen baina hala ere,
nahikoa ez al zen zuretzako?
Amets handien itxaropen txikiak,
gutxiengoak, gehiengoen artean.
Izendatuak baina izen gabekoak,
erantzun ezbaikorrak ziur zaudenean.
Erloju zekenek tantaka askatzen
dituzten segundu bakoitza itxoiten.
Horrenbeste izan genuen baina hala ere,
nahikoa ez al zen zuretzako?
Urruti zauden leku hartan entzungo ote da
nire kantuen oihu ozena?
Trebea zinen barkamena eskatzen,
eta ni bizkorra ahazten.
Esandako hitzen esan nahi ezkutua;
zure begien sarrailen giltza.
Hainbeste aurkitu genuen baina hala ere,
nahikoa ez al zen zuretzako?
Urruti zauden leku hartan entzungo ote da
nire kantuen oihu ozena?
Zeren bila zeunden...
