Dardara hura (Tolosa, 2019/10/31)
2019ko urriaren 31n, Tolosako Aranburu jauregian. José Ignacio Agorreta margolariaren erakusketaren inaugurazioan, 'Dardara hura' (2019) singleko bi kantak jo genituen. Akustikoan, hirukote gisa.
2019ko urriaren 31n, Tolosako Aranburu jauregian. José Ignacio Agorreta margolariaren erakusketaren inaugurazioan, 'Dardara hura' (2019) singleko bi kantak jo genituen. Akustikoan, hirukote gisa.
Han ginen, aita, senideok;
joan zinenean utzitako baratzera bilduak.
Leuna eta gozoa zen haizea,
bizia belar berriaren usaina.
Eta bat-batean isildu egin ginen.
Zu al zinen, aita,
airean zebilen dardara hura?
Zu al zinen?
Han ginen, aita, hitzik gabe,
Zuk ukituak zenituen haiek ukitzeko beldurrez.
Lanabesak, altzariak, harria…
Denak egunen joanak izoztuta.
Begiak jaso genituen orduan.
Zu al zinen, aita,
Airean zebilen dardara hura?
Zu al zinen?
