Herria

Zu herria, herriaren herria
zu herria, mugarik gabeko herria.

Ez baitugu hetsiko
bai ateak zabalduko
xori ttiki guziek kantatzeko
kaiola idekiko
libertatia landuko
zure ttipitasuna babestuko.

Amaren iduriko
hatsa zira haurrendako
zure beso artean goxatzeko
begiak idekiko
ditugu eta zuri so
zure izarrak gaitu argituko.

Haizea iduriko
preso ezin ezarrizko
zira beti nunbaitik libratuko
hiltzorian utziko
zaituzte bainan betiko
zure hautsak dira arra piztuko.