rnasa arrastaka,
tren zoro baten gisan,
zezenko galtzailea,
heriotzarantz…
Pistoi lurrunez jaiki,
ikatza kopetan…
Balazta ostu dute
eta nola gelditu,
lokomotora hau?
Seme-alabak jauzika
geltoki orotan,
emaztea bihotzeko
lagunarekin txortan!
Bagoirik bagoi dabil
oinez lau hankatan…
Balazta ostu dute
eta nola gelditu,
lokomotora hau?
Isiltasuna uluka,
aingeruei zaunka;
koskobiloetatik
daukate helduta…
Lehenbiziko orritik
zabalik Biblia…
Balazta ostu dute
eta nola gelditu?
Jainkoak ostu du eta
nola kristo gelditu,
lokomotora hau?
