Ez al hago hobe bera gabe?
Bakarrik ez dun nahiago?
Bere eskutik datorren
pasioaren zain egon beharra al dago?
Ernalduko hauen hezur bizi,
piztia, akaso, nahiago?
Zigor-hedea daraman erregin?
Hik ere badakin: molda hadi bakarrik.
Berataz ahaztu hadi…
Zabal eskua delikatuki:
gau bateko enkontru goxoen zerrenda,
bizitza hori bertzerik ez da…
Gaztelu inguruko zanga sakon?
Leizezulo barruko argi izpi?
Boterea hik noiz eman zain-zain zagon,
aitaren hobi ondoan, hobi ondoan, txistuka…
Utzi niri: eramango haut,
bidea oroitzen badinat behintzat…
Hortxe Peru eta Mari, elkartzeko bi mixeri:
otoitz dagigun denok haiengatik.
Ez al leudeke beren kasa hobe?
Elkarri orpotik, orpotik segi gabe?
Aldareko harmaila da promesa zaila…
Trabarik ez jarri, trabarik ez jarri, haiei.
