2017.04.12
Etsaiak

Etsaiak

  • 1987 - 2016
  • Lekeitio (Bizkaia)
  • Hardcorea, Punka
  • Webgunea

Atzera

Presoak S.O.S.
play_buttonadd_button
EROSI

Presoak S.O.S.

1994 - Esan Ozenki


Etorkizuna? (Orzaid II)(Musika: Iñigo Arrasate-Hitzak: Paul Erdozia)
facebook iconfacebook icon
play_button
add_buttton
Presoak S.O.S.(Musika: Paul Erdozia, Iñigo Arrasate-Hitzak: Aitor Ibarra)
facebook iconfacebook icon
play_button
add_buttton
Demokrazi faltsua(Musika: Iñigo Arrasate-Hitzak: Paul Erdozia, Aitor Ibarra)
facebook iconfacebook icon
play_button
add_buttton
Lurraren indarra(Musika: Paul Erdozia-Hitzak: Imanol Agirre, Tetxu Meabe)
facebook iconfacebook icon
play_button
add_buttton
R-presioa(Musika eta hitzak: Paul Erdozia)
facebook iconfacebook icon
play_button
add_buttton
Txoko! Ez itxi gero!(Musika: Paul Erdozia, Iñigo Arrasate-Hitzak: Aitor Ibarra)
facebook iconfacebook icon
play_button
add_buttton
Zure jabe(Musika: Paul Erdozia-Hitzak: Paul Erdozia, Aitor Ibarra)
facebook iconfacebook icon
play_button
add_buttton
Ez itxi eramaten(Musika: Iñigo Arrasate-Hitzak: Paul Erdozia)
facebook iconfacebook icon
play_button
add_buttton
Gaupasan(Musika: Iñigo Arrasate-Hitzak: Paul Erdozia)
facebook iconfacebook icon
play_button
add_buttton
A reventar(Musika: Iñigo Arrasate, Paul Erdozia-Hitzak: Aitor Ibarra)
facebook iconfacebook icon
play_button
add_buttton
Gaztehila(Musika: Paul Erdozia-Hitzak: Paul Erdozia)
facebook iconfacebook icon
play_button
add_buttton
Lepoan hartu(Musika: 'It's a long way to Tipperary' kantu herrikoia-Hitzak: Telesforo Monzon)
facebook iconfacebook iconhitzak icon
play_button
add_buttton
Kataia(Musika: Iñigo Arrasate, Paul Erdozia-Hitzak: Paul Erdozia)
facebook iconfacebook icon
play_button
add_buttton
Subversión + Antimilitar *(Musika eta hitzak: R.I.P.) —* CDan bakarrik—
facebook iconfacebook icon
play_button
add_buttton

Formatua: CD-LP


Iraupena: 34' 18"


Argi kodea: EO-046


PARTAIDEAK

  • Paul Erdozia, bateria
  • Iñigo Arrasate 'Iñigito', gitarra
  • Txarri, gitarra
  • Josu Arrasate, baxua
  • Aitor Ibarra 'Auo', ahotsa

GRABAZIOA

IZ estudioa, 1994ko maiatza


SOINU TEKNIKARIA

Jesus Suinaga


LAGUNTZAILEAK

  • Mikel Gorosabel 'Norton', pianoa
  • Karlos Mahoma, ahotsak
  • Portu, ahotsak
  • Joseba Illarramendi, soinu txikia
  • Jon Rezabal 'Munatxo', panderoa
  • Amaia Aboitiz, Apolino Txiki, Irati, Hiart, Ohiana, ahotsak

EKOIZLEAK

Jesus Suinaga, Paul Erdozia, Iñigito Arrasate


GENEROA

Hardcorea

Aitor Ibarra Auo-k (ahotsa), Paul Erdoziak (bateria), Jokin Erdoziak (baxua) eta Martin gitarristak osatu zuten taldea Lekeitioko gaztetxean, eta 1987ko abuztuaren 15ean eman zuten lehen kontzertua, gaztetxean bertan. Haatik, hurrengo urteetan aldaketa ugari izan ziren taldean, baina Iñigo Arrasate Iñigito eta Txarri gitarristak sartzearekin batera, sendotu egin zen Etsaiak. Gaztelaniaz eta euskaraz abesten zuen taldeak lehen urte haietan.

Lehen maketa 1991n grabatu zuten, Lorentzo Records estudioan (Berriz, Bizkaia). Grabazioa ordaintzeko dirurik ez zutenez, kamiseta batzuen truke erabili ahal izan zuten estudioa, bi egunez. Euskal Herrian autogestioaren bidez banatu zuen taldeak maketa, baina Espainian Madrilgo Potencial HC arduratu zen hura zabaltzeaz. Maketa hura CD formatuan berrargitaratu zuten urte batzuk geroago, zuzeneko beste kantu batzuekin batera, Amen izenarekin (Oihuka, 2003).

1992an, Jokin Erdoziak taldea utzi zuen, eta Josu Arrasate Artrofi-k hartu zuen haren lekua. Maketaren oihartzuna Esan Ozenki diskoetxeko arduradunengana heldu zen, eta lehen diskoa grabatzeko proposamena egin zioten taldeari. Maxi bat grabatzea zen hasierako asmoa, baina azkenean disko luzea bihurtu zen, bi zatitan grabatua. Beren kantuena bezalako abiadura bizia hartu zuen taldearen ibilbideak lehen diskoa kaleratu eta gero. Gaztetxe eta etxe okupatuetan hasi ziren jotzen, baina, kontzertuz kontzertu eta diskoz disko, milaka gaztek egin zuten bat taldearen doinu eta mezu bortitz eta zuzenekin. Gorakada horretan, izugarri bultzatu zituen Negu Gorriak taldeak, hainbat kontzertu hasteko gonbidatu baitzituen.

483

MIkel Arakistain, Aitor Ibarra “Auo”, Keu Agirretxea, Iñigo Arrasate eta Paul Erdozia.

90eko hamarkada oso emankorra izan zen taldearentzat. Presoak S.O.S. (Esan Ozenki, 1994), Gerra zikina (Esan Ozenki, 1995), Bakearen guda(Esan Ozenki, 1997) eta Askatasunaren taupada (Esan Ozenki, 1999) diskoak argitaratu zituen, eta Euskal Herriko jaialdi jendetsuenetan parte hartu zuen:  Egin Txotx, Egunkariaren Jaia, Euskal Herria Zuzenean, Ibilaldia,Elkartasun Eguna… Tarte horretan, zenbait aldaketa jazo ziren taldekideen artean: Keu Agirretxea (gitarra), Mikel Arakistain (baxua), Afrika Bibang (ahotsa) eta Aritz Elordieta Toki (perkusioa) sartu ziren taldean, besteak beste. Halaber, Euskal Herrian ez ezik, Mexikon ere arrakasta handia lortu zuen 80ko hamarkadako euskal punk taldeen jarraitzaileen artean (La Polla Records, Eskorbuto, RIP…). Ondorioz, hiru alditan, 1993, 1995 eta 1999an, joan zen Etsaiak Mexikora kontzertuak ematera. Kuban, Suitzan, Katalunian eta Frantzian ere aritu zen taldea. RIP taldearekin harreman berezia izan du Etsaiakek, eta haren izpirituaren ordezkotzat jo daiteke. “Antimilitar”, “Lepoan hartu“, “Mundo muerto“, “Crimen de estado” eta Arrasateko taldearen beste zenbait kantu jo eta grabatu ditu Etsaiakek.

482

Auo abeslaria, 1997ko emanaldi batean.

Gipuzkoan Oiartzungo Pagoa aretoan eta Lapurdin Kanboko Gazte Topagunean grabatuko zuzeneko disko batekin itxi zuen Etsaiak taldeak 90eko hamarkada zirraragarria. Hurrengo urtean, Kaos (Metak, 2001) argitaratu zuen, baina ondoren lan erritmoa moteldu egin zuen taldeak. Proiektu paraleloak martxan jartzeko baliatu zuten taldekideek geldialdia: Auok Pin Pan Pun Band sortu zuen, Paul Erdoziak Nok taldea, Iñigo Arrasatek Txapelpunk, eta Keu Agirretxeak Fjord eta UEK.

El grupo musical Etsaiak presenta su nuevo disco, "Apurtu arte".

‘Apurtu arte’ diskoaren aurkezpen egunean. (Marisol Ramirez / Argazki Press)

Lehen maketa berrargitaratu ostean, 2003an, etenaldia egitea erabaki zuen taldeak. Hurrengo urteetan, une jakin batzuetan baino ez ziren elkartu, kontzertu bakan batzuk emateko, hala nola Gazte Topagunean eta Donostiako Aste Nagusian, baina 2007an berriz kantuak sortzeari ekin zioten, eta 2008an Apurtu arte (Baga Biga) kaleratu zuten, Etsaiaken azken diskoa. Aurretik, Keu Agirretxeak eta Mikel Arakistainek taldea utzi zuten, eta haien ordez Txusek hartu zuen gitarra, eta Artrofi taldera itzuli zen. Hasierako estilo eta jarrerari eutsi dio taldeak lan horretan, eta bide beretik segitzeko asmoa du.

Testua: Jon Eskisabel

Atzera

25 urte (1987-2012)