Jaio zinenetik duzun rola onartu,
ikusleen aurrean presiorik ez sentitu,
zure istorioa antzeztera zoaz.
Gidoiaren ertzetatik haratago,
hautuak hartzeko tokirik ez dago,
zure etorkizuna idatzia izan da.
Bete itzazu eginkizunak
agertokian zaren artean,
gaur begi guztiak
dituzu zugan jarrita.
Mozorroa jantzita duzula
normaltasunaren borreroa
izatea da zure patua
BETIKO KONDENATUA.
Maskaren dantza hastera doa,
denak ari zaizkizu begira.
Pieza bat gehiago izango zara
IRUZURRAREN PUZLEAN.
Senak noizbait gidatzen badu
barnetik sortzen den sugarra,
ekarri gogora ezarritakoa.
Bete itzazu eginkizunak,
antzezle soil bat zarelaz ohartzean,
etenik gabeko ekitaldian,
faltsukeriaren gidaritzapean!
