Negua II
Lainotu didazu zerua,
elurtezina egin zait negua,
Sandaliak ez dituzu kendu
urtaro izoztu honetan zehar,
Baina gaur, agian, itzuliko zara berriz.
Leihoak zabalik utziko ditut zuretzat.
Zure begi hotz horietan
islatzen duzu nor zaren benetan.
Haizea bazterretatik sartzen
eta zu berriz, ez zara ausartzen;
Baina orain hegoak
astintzen laguntzeko,
gogor heldu eta besarkatu nazazu.
Nekatu naiz sabaian izarrak marrazteaz
ondoren zuk brotxakada batez ezabatzeko.
Nekatu naiz sabaian izarrak marrazteaz
ondoren zuk gainetik margotzeko.
Astindu ditu lurrikarak
gure arteko bide bareak.
Bi urte bete dira hustu ninduzunetik.
