Gorroto

Beldur naiz, beldur naiz
Iluntasuna besterik ez dago
Ez dakit ze egun den
Goiz eguerdi edo arratsalde

Ziega zuloan sartu naute
Ta bakardean utzi naute
Nire ideia ta pentsaerak
Ez die hori egiteko eskubiderik ematen

Beldur naiz, beldur naiz
Hemen gorrotoa besterik ez dago
Ez dakit non nagoen
Lau pareten artean giltzapetu naute

Jaso ditut milaka kolpe
Poltsa gehiegitan probatu det
Bortxaketa ere jakin dut zer den
Nire izaera suntsitu dute

Beldur naiz, beldur naiz
Nire kidearen oihuak daude hemen
Ez dakit noiz arte
Nire gorputzak biziraungo duen

Lurrera bota ninduten baina
Ni ta besteak zutitu gara
Gugatik eta hildakoengatik
Haien ahotsa gu garelako

Aurrera aurrera
Gure historia kontatuz
Hitzez hitz indartsuago
Milaka ahots elkarrekin