Txotxongilo

Gizaki gisa jaio
Emakumea hazi
Ta artearen izenean
Panpina sentiarazi

Panpina txotxongilo
Munstroa zuzendari
Antzezlana hastear da
Bere eskuetan gaude

Oihukatzerik ez
Artearen sokek
Loturik gaituzte
Eszenatokian gaude

Funtzioa amaitu da
Publikoa zutitu da
Baina txunditurik gaude
Munstroa txalotzen dute

Txaloek esnatu gaituzte
Sokak sentitu ditugu
Ta elkarren artean lotuz
Sokak suntsitu ditugu

Irteera ateetan
Gu laguntza eske
Publikoak bizkarra eman
Munstroarengana jo dute

Berarekin oholtzan daude
Gurekin gutxi batzuk
Baina gutxi hoiek
Indarra ematen digute

Munstroarengandik aske
Garaile irten gara
Gu ez gara txotxongiloak
Emakumeak gara