2020.06.11
Iñorkiñak

Iñorkiñak

Ilusionistarena

Teloi gorria gora, magoa hor da
Purpurinazko ametsak sakelean,
Ilusioak ilusioen truke
analgesikoen prezioan.
Fikzioa gorpuzteko trebezian
Paradisu bilakatuz miseria.
Kitatu digute inkoherentzia
Estoldetan ditugun kimerek.

Showa museoko porno esplizitu
Eta errepikakorra den bizitza
Da gordinik kiskaliko gaituena
Salbazioaren ordainetan.
Espektakularitatea dositan
Trafikatzen duten ongile guztien
Txontxongilo bilduma gintezke hauek
Gu bezain trapuzko ez balira.

Ordulariaren aurkakoa
Den erorketa infinitoa
Da giza bizitza logikoa
Ilusionistarena ilusionistarena

Baliteke dena izatea amets
Surrealistetan surrealistena;
Atximurkak zaizkit tortura, ordea,
biharrak haragizkoegiak.
Hala ere, dena da bizi pozgarria
Begira egonik begiak itxita
Zein margoak disimulatuta gorputz
Honen krater eta lubakiak.

Ordulariaren aurkakoa
Den erorketa infinitoa
Da giza bizitza logikoa
Ilusionistarena ilusionistarena.