Mikel Inunziaga ‘Inun’ kantagileak gaztaro osoa darama musikari lotua. Hainbat musikarirekin era askotako proiektuetan murgildu da, beti ere bere kantak oinarri izanda. Bakarlari gisa eta euskaraz, pop estiloko Berreginez izena daraman bere lehen diskoa kaleratu zuen 2014ko maiatzean. Grabaketa zuzenean egin zuen, gitarra, ahotsa eta erritmo elektroniko eta akustikoak loop pedalekin konbinatuz.
