Hitzak: Harkaitz Cano
Musika: Jexuxmai Lopetegi
Dantzaria: Marina Scotto
Errealizazioa: Iban Del Campo
Marrazkilaria: Antton Olariaga
Hizkien animazioa: Lorena Martinez
Errealizazioa: Iban del Campo
Hitzak: Harkaitz Cano
Musika: Jexuxmai Lopetegi
Dantzaria: Marina Scotto
Errealizazioa: Iban Del Campo
Marrazkilaria: Antton Olariaga
Hizkien animazioa: Lorena Martinez
Errealizazioa: Iban del Campo
Jakin behar da bukatzen,
bidetik bazterreratzen:
besteei bide.
Gutun bat utzita mahaian,
despedidan aitzaki
sorta bat.
Deus esan gabe joan zaitezke,
beste norbaitek zugatik
buka dezan.
Kirofanoan gaixo bat dago
inork sabela ixteko eske...
eta zu urruti.
Azken ardo kopa hori
ez duzu zertan
amaitu.
Azken direnik ezjakin
ematen diren musuak
ote onenak?
Atea itxi ondoren
bestaldean geratzen dena
ezereza da.
Lurrun bihurtzea ere
ez da plazer txikia, ene,
batere!
Puzzlearen azken pieza
patrikan sartuta ospa
egizu.
Zauri ireki bilduma hori
ez dago zertan jasan
gehiago.
Jakin behar da bukatzen,
bidetik bazterreratzen:
besteei bide.
