Zama handi batez kargatuak
Erdi mutu ditugu kantuak
Ilunpe honetan
Zorte gogorrari
Aski oldartuak
Arropa beltzetan
Gure bihotzari
Zintzilikatuak.
Zer gisaz bidea utzi duzu?
Nongo irriak entzun dituzu?
Zure aintzinean
Zerbaiten hastea
Senditu dukezu
Neurriak haustean
Aldeko atea
Zabaldu zaukezu.
Haindiko laguna
Zure oroipena
Hain dut biziduna
Goaitatzen dut eguna
Doluaren mina
Nik ahantzezina
Ukan maitasuna...
Batzuetan bakarrik naizelarik
Kalapitetarik urrundurik
Begiak zerratuz
Amets egiten dut
Mugak iragaiten
Ezin helduz eskuz
Erran nahi dauzut
"Zato, mintza gaiten..."
Piano baten segeretuetan
Ardura jartzen naiz izerditan
Horrek daut emaiten
Hor gaindiko berri
Zer duzun kantatzen
Gure izaiteen
Arteko lokarri
Zauku bilakatzen.
Haindiko...
Denbora baitzata faltatuko
Erran beharrak oro errateko
Berriz ere gostuz
Araiz ahalko naiz
Zurekilan egon
Apalik galdatuz
ilunpeari maiz
Argia darion.
Haindiko...
