2016.07.12
Juan Mari Beltran

Juan Mari Beltran

  • 1947
  • Etxarri-Aranatz (Nafarroa)
  • Folka

Atzera

Orhiko xoria
play_buttonadd_button
EROSI

Orhiko xoria

2006 - Elkar


  • Itzurun: Lizarratik Donostiara(Musika: Juan Mari Beltran Argiñena)
    add_buttton
    play_button
    facebook iconfacebook icon
  • Gogoaren bidezidorretatik(Musika: Juan Mari Beltran Argiñena)
    add_buttton
    play_button
    facebook iconfacebook icon
  • Kontradantza(Musika: Herrikoia / Moldaketa: Juan Mari Beltran Argiñena)
    add_buttton
    play_button
    facebook iconfacebook icon
  • Josetxo Olaberriko / Artamendiko Lili(Musika: Herrikoiak / Moldaketak: Juan Mari Beltran Argiñena)
    add_buttton
    play_button
    facebook iconfacebook iconhitzak icon
  • Orhiko xoria(Hitzak: Herrikoiak-Musika: Juan Mari Beltran Argiñena)
    add_buttton
    play_button
    facebook iconfacebook iconhitzak icon
  • Txalaparta launaka(Musika: Juan Mari Beltran Argiñena)
    add_buttton
    play_button
    facebook iconfacebook icon
  • Otxoki(Musika: Juan Mari Beltran Argiñena)
    add_buttton
    play_button
    facebook iconfacebook icon
  • Arratiatik Txilibrin(Hitzak: Juan Mari Beltran Argiñena-Musika: Herrikoia / Moldaketa: Juan Mari Beltran Argiñena)
    add_buttton
    play_button
    facebook iconfacebook icon
  • Bortian ahuzki(Hitzak eta musika: Herrikoiak / Moldaketa: Juan Mari Beltran Argiñena)
    add_buttton
    play_button
    facebook iconfacebook iconhitzak icon
  • Muneinak(Musika: Herrikoia / Moldaketa: Juan Mari Beltran Argiñena)
    add_buttton
    play_button
    facebook iconfacebook icon
  • Azkoitiko martirietan(Hitzak: Juan Mari Beltran Argiñena-Musika: Herrikoia / Musika: Juan Mari Beltran Argiñena)
    add_buttton
    play_button
    facebook iconfacebook iconhitzak icon
  • Ernio, Urkiola edo Urrategin (Montte porrusalda)(Hitzak: Juan Mari Beltran Argiñena-Musika: Herrikoia / Moldaketa: Juan Mari Beltran Argiñena)
    add_buttton
    play_button
    facebook iconfacebook iconhitzak icon
  • Gorrotxategien martxa(Hitzak eta musika: Herrikoiak / Moldaketa: Juan Mari Beltran Argiñena)
    add_buttton
    play_button
    facebook iconfacebook icon
  • Baztango ioiak(Musika: Herrikoia / Moldaketa: Juan Mari Beltran Argiñena)
    add_buttton
    play_button
    facebook iconfacebook icon
  • Agiñako harrespilak(Musika: Juan Mari Beltran Argiñena)
    add_buttton
    play_button
    facebook iconfacebook icon
  • Lauko ote jotzea(Juan Mari Beltran Argiñena, Iñigo Monreal, Ander Barrenetxea, Aitor Beltran)
    add_buttton
    play_button
    facebook iconfacebook icon

Formatua: CD


Iraupena: 54' 29"


Argi kodea: KD-729


Azala: Juanma Aramendi


PARTAIDEAK

  • Juan Mari Beltran, dultzainak, alboka, ahotsa, arrabita, tronpa, txalaparta, txistua, ttunttun, burrunak
  • Miriam F. Atxaerandio, biolina
  • Jasone Camara, akordeoia, biolontxeloa
  • Iñigo Monreal, txalaparta, arxaluak, burrunak, ttipiuntzia, kainabera, djembea
  • Ander Barrenetxea, txalaparta, danborra, panderoa, burrunak, perkusioa
  • Aitor Gabilondo, ahotsa
  • Zohar Fresco, perkusioak
  • Andoitz Antzizar, trikitixa, ahotsa
  • Mirari Perez Gaztelu, ahotsa
  • Jose Manuel Tejedor, gaitak
  • Ahots taldea (Alito Gracia, Karmele Iriarte, Kepa Oliveri, Angel Palomo, Elixabete Perez Gaztelu, Mirari Perez Gaztelu)
  • Aitor Beltran, txalaparta

GRABAZIOA

Elkar estudioa (Donostia), 2006ko urtarrila eta otsaila


SOINU TEKNIKARIA

Cesar Ibarretxe


EKOIZPEN ARTISTIKOA

Suso Saiz


GENEROA

Folka

Zazpi urterekin bidali zuen amak Juan Mari Beltran (Etxarri Aranatz, Nafarroa, 1947) herriko bandaren zuzendariarengana musika ikastera. Klarinetea jotzen ikasten hasi, eta zuzendariaren eraginez txistua jotzen ere ikasi zuen. Hamabi urterekin biak jotzen zituen, klarinetea herriko bandan eta txistua txistulari taldean. Hamabost urte zituela, Donostiara bizitzera joan zen familiarekin. Isidro Ansorenarekin jarraitu zuen ikasten, eta haren enkarguz ezkontza eta auzoetako festetan txistua jotzen hasi ziren, bera eta anaia Bixente.

Biak hasi ziren Argia taldean musikari gisara. Juan Antonio Urbeltzen eraginez taldean gertatutako bilakaera hurbiletik ikusi, eta Euskal Folklorearen Laborategiko partaide aktiboa gertatu zen Juan Mari Beltran. Garai hartakoak dira bere lehen landa ikerketa eta grabazioak. Zoritxarrez, gehienak galduak dira gaur egun; hala eta guztiz ere, orduan piztu zitzaion Beltrani gaurdaino itzali ez zaion herri musikarekiko eta ikerketarekiko grina. Argia taldean ere hasi zen herri musikako tresnak ezagutzen eta jotzen. Horretaz gain, Artze anaiekin txalaparta jotzen hasi eta 1964an eman zuten Beltran anaiek lehen txalaparta emanaldia, Elizondon (Nafarroa).

942

Juan Mari Beltran txalaparta jotzen, Oiartzungo Herri Musikaren Txokoan. (Jon Urbe / Argazki Press)

Euskal herri musikaren izen funtsezkoak gertatu diren hainbat musikari ezagutu, tratatu eta estimatu zituen: Leon Bilbao albokaria, Maurizio Elizalde txistularia… Sekula ikerketa alde batera utzi gabe, 1980an sortu zuen Azala, eta taldean jarraitu zuen 1984a arte. Artean, euskal folk musikaren haize berrien adierazle zen diskoa grabatu zuen: Azala (IZ,1983). Taldekideekin norabide musikalaren inguruko desadostasunak zituela-eta Azala utzi eta Txanbela osatu zuen 1984an. Urte hartan bertan kaleratu zuten lehen lana, Txanbela (IZ, 1984). Hurrengo urtean, bere ikertzaile senaren lekuko eta euskal etnomusikologiaren harribitxia den Euskal Herriko soinu tresnak (IZ, 1985) diskoa eta dokumentala plazaratu zituen.

Txanbelan askoz ere modu “libreagoan” gauzatu ahal izan zuen Beltranek herri musikaz zuen ikuspegia; berreskuraketa eta artifiziorik gabeko berrinterpretazioa. Ikuspegi horren lekuko dira taldearekin plazaratutako beste hiru diskoak: Doinurik doinu (IZ, 1987), Hirugarren koskan (IZ, 1992) eta Arin arinketan (IZ, 1997).

Berrikuntza eta esperimentazioa alde batera ez dituela uzten erakutsi zuen Joxan Goikoetxea akordeoi jotzailearekin izandako elkarlanean. 90eko hamarkadan indarrean zegoen “musika berrien” etiketa jaso arren, txalapartaren eta teklatuen arteko elkarrizketa mamitsua da Egurraren orpotik dator… diskoa (NO-CD, 1993). Suso Saiz musikari espainiarrak ekoitzi zuen bikotearen hurrengo lana, Beti ttun-ttun (NO-CD, 1999), aurrekoaren bidetik jotzen zuena.

941

Mundumira jaialdian. (Raul Bogajo / Argazki Press)

Bakarkako ibilbideari ekin zion Juan Mari Beltranek urte hartatik aurrera. Bi disko kaleratu ditu orduz geroztik: Arditurri (Elkar, 2002), hori ere Suso Saizek ekoitzia, eta Orhiko xoria (Elkar, 2006). Bietatik edozein gerta daiteke Beltranen ikuspegi musikalaren gailurraren erakusgarri. Multinstrumentista preziatua izanik (alboka, dultzaina, txalaparta, txistua…), hainbat musikarirekin lan egin du azken 25 urteotan. Aipagarriena, agian, 1984tik aurrera Amasako Astiasaran Anaiekin egiten duena. Horren lagin bat Amasatik Arratera (Herri Musika Zaleak, 2007) diskoan bildu dute.

Xirolarrua (Syntorama-Soinuenea, 2012) da Beltranen azken diskoa, Fernando Jalon dultzaina jotzaile espainiarrarekin grabatutako lana. Xirolarrua tresna berreskuratzeko eta dultzainarekin historikoki izan duen bikote harremana berpizteko bi musikariek egindako lanaren testigantza da aipaturiko diskoa.

Herri musikaren inguruan egindako lan guztia erakutsi eta zabaltzeko sortu zuen Herri Musikaren Txokoa. Museo eta interpretazio zentro horretan liburutegia, fonoteka eta herri musikako hainbat tresna topa daitezke. 1996an martxan jarri eta 2002an zabaldu zen jendearentzat. Interpretazio zentroa izateaz gain, inguruan bestelako egitasmoak ere gauzatzeko plataforma bikaina da Herri Musikaren Txokoa. Herri Musika Zaleak elkartea da bertan sortutako egitasmo nagusia.

944

2005eko Musika Hamabostaldian. (Imanol Otegi / Argazki Press)

Ezin aipatu gabe utzi Juan Mari Beltranek euskal musika tresnak zabaltzeko hezkuntza alorrean egindako lana. 1985etik hainbat tresnaren irakasle da Hernaniko kontserbatorioan (dultzaina, txalaparta, alboka…), eta bera da azken hogei urtean Hernanin Euskal Herri osoko txalapartariak bildu dituen Txalaparta Festaren bultzatzaile eta antolatzaile nagusietakoa. Hain zuzen, txalapartari eskainitako disko-liburu mardula kaleratu du, Txalaparta (Nerea-Syntorama, 2009), eta horren harira, Ttakun Ttan Ttakun ikuskizuna prestatu du Kukai dantza taldearekin.

Testua: Andoni Tolosa