Julen Azkona

Julen Azkona

  • 1993
  • Iruñea
  • Kantautorea

Itsasoa

Antzerkiko klasean ezagutu ginen,
bi ume bezala lotsati begiratzen.
Antzezten sortutako jolasen bidez,
bihotzak hasi ziren korapilatzen.

Ze goxoa zaren.

Egun batean kalean topatu ginen,
izarpean bainatzen amaitu genuen.
Heriotzari buruz mintzatu zinen,
orduak pasa ziren itsasoa miresten.

Ze goxoa zaren.

Etxera gonbidatu ninduzunean
infusio goxo bat prestatu zenuen.
Sofan zabal etzanda geundenean
guztiz erlaxatuta sentitu nintzen.

Ze goxoa zaren.