Zulotik

Ez da ezer! entzuten duzu, baina beldurrak
erraietatik zaitu harrapatuta.
Esperantzarako lekurik ez du uzten minak,
arantzez josita daude
loreak! ez dira hazten zu igarotako
lekuetan lurra mortu geratzen da,
lorategiak ustelduta daude
hurrengo udaberriaren irrikan.
Negarren artean algara bat,
sua pizten duen txinparta.
Edertasuna! kamaleoia da.
Harrapakari guztiak zelatan.
Tripak urratuta hesteak kanpoan,
arrasto luze zara ehiztarientzat.
Zulo bat! gorpu-baratze bihurtuta,
zauritik isuri zaizkizu minak,
ongarri ustela, ta badakizu:
beleentzat jaki hoberik ez da.
Zulotik ateratzea zaila izaten da
inork soka bat botatzen ez duenean.