2014.05.26
Les Mecaniciens

Les Mecaniciens

  • 1990 - 1993
  • Popa

Atzera

Ia xoragarria
play_buttonadd_button
EROSI

Ia xoragarria

1992 - Elkar


Mutiko arrotzaren kanta(Hitzak: Iñaki Irazu-Musika: Jabier Muguruza)
facebook iconfacebook iconhitzak icon
play_button
add_buttton
Harria bezain mutu(Hitzak eta musika: Jabier Muguruza)
facebook iconfacebook icon
play_button
add_buttton
Haize idiota(Hitzak: Jose Mari Iturralde-Musika: Jabier Muguruza)
facebook iconfacebook icon
play_button
add_buttton
Ene printzesa ttipi(Hitzak: Iñaki Irazu-Musika: Jabier Muguruza)
facebook iconfacebook icon
play_button
add_buttton
Frichti(Musika: Jean Louis Hargous)
facebook iconfacebook icon
play_button
add_buttton
Ia xoragarria(Hitzak eta musika: Jabier Muguruza)
facebook iconfacebook icon
play_button
add_buttton
Gure aitona(Hitzak: Eduardo Galeano-Musika: Anjel Valdes, Jabier Muguruza)
facebook iconfacebook icon
play_button
add_buttton
Bezugo(Musika: Didier Labbe)
facebook iconfacebook icon
play_button
add_buttton
Haurrak haunditzen doaz(Hitzak: Xabier Lete-Musika: Jabier Muguruza)
facebook iconfacebook icon
play_button
add_buttton

Formatua: CD-LP


Iraupena: 36' 22"


Argi kodea: ELK-319


Azala: Arantza Abaigar


PARTAIDEAK

  • Ane Irazu, ahotsa
  • Jabier Muguruza, akordeoia, gitarra, ahotsa
  • Satur Babon, saxofoi baritonoa, klarinete baxua
  • Jose Luis Aristi, tronboia
  • Juanjo Falcon, baxua
  • Iñaki Sebastian, bateria, perkusioa
  • Jean Louis Hargous, saxofoi sopranoa, klarinete baxua

GRABAZIOA

Elkar estudioa


SOINU TEKNIKARIA

Cesar Ibarretxe


LAGUNTZAILEAK

  • Maite Aseginolaza, haize eta ahots moldaketak ("Harria bezain mutu")
  • Fermin Iraola, gitarra ("Mutiko arrotzaren kanta")
  • Miren Aranburu, ahotsa ("Harria bezain mutu")
  • Arantza Irazusta, ahotsa ("Harria bezain mutu")
  • Josean Malvido, tuba ("Ia xoragarria")
  • Karlos Gimenez, pianoa ("Haurrak haunditzen doaz")

GENEROA

Popa

Irun aldean (Gipuzkoa) sortu zen Les Mecaniciens, 90eko hamarkadaren hastapenetan. Jabier Muguruzak (akordeoia eta koruak) haurrentzako disko bat kaleratu zuen hilabete batzuk lehenago, Ja, ja (IZ, 1989), baina ordurako beste estilo bateko kantuak eginda zituen, musikalki erritmo beroetara emanak eta hitzetan satiratik gertu zeudenak. Hain zuzen, «zirikatzeko» sortu zuen Les Mecaniciens, epe luzeko proiektua izateko asmoarekin. Hainbat musikariz inguratu zen, horietako batzuk Ja, ja-n parte hartutakoak zirenak: Satur Babon, Jean-Louis Hargous eta Carlos Hipolitok osatutako haize atala, Ane Irazu abeslaria, Iban Zugarramurdi bateria jotzailea (Su Ta Gar, Baldin Bada, …) eta Gorka Orrantia baxu jotzailea. Euskaraz ‘mekanikoak’ hitza esan beharrean beti frantsesezko mecaniciens erabiltzen zuen Ipar Euskal Herriko lagun bati hartu zioten talderako izena.

Berehala eman zuten argitara lehen diskoa, Erabakia (Elkar, 1991). Satira eta umorea erabiliz, Euskal Herriaren egoeraren «kritika ironikoa» egin nahi zuen Les Mecaniciensek. «Esango nuke ez direla idiotentzat eginiko hitzak. Une honetan musikan entzuten diren hitz asko eta asko lotsagarriak dira. Gure asmoa izan da alor hau bereziki zaintzea», azaldu zuen Muguruzak (1). Musikalki ere bere aire bat ekarri zion euskarazko kantagintzari, Afrikako eta Hego Amerikako erritmoak, rocka, jazza eta pop musika nahastuz.

Hurrengo urtean kaleratu zuen bigarren lana, Ia xoragarria (Elkar, 1992). Oraingo honetan taldearen txantxarako gogoa izenburutik bertatik antzeman zitekeen, Euskal Herriaz ari baitzen. «Satira eta umorea landuz beste ikuspegi bat ematen saiatzen gara, orain arte eman den ikuspegi dramatikotik kanpo» (2). Juanjo Falcon (baxua), Jose Luis Aristi (tronboia) eta Iñaki Sebastian (bateria) batu ziren taldera disko horren grabazioan. Berriz ere Jabier Muguruzak sortu zuen musika gehiena, baina hitzetan beste idazle batzuen ekarpen handia jaso zuten: Iñaki Irazu, Joxemari Iturralde, Xabier Lete… Ja, ja diskotik kantu bat berreskuratu zuen Muguruzak lan horretarako, “Gure aitona”, baina oraingoan Eduardo Galeano idazle uruguaiarraren hitzak erabilita.

Epe luzeko proiektua zena, ordea, hirugarren diskoarekin ahitu zen, kontzertu eskasiak eta bakarkako bidea ibiltzen hasteko Jabier Muguruzaren erabakiak eraginda. Horrela, Euskadi, jende gutxi-k (Esan Ozenki, 1993) taldearen agurra ekarri zuen. Berriz ere ironia ageri da izenburuan, eta alderdi musikalean, jazzaren eragin handiagoa dago disko honetan, Lester Bowie tronpetista handia zenaren bertsio bat barne, “Lester reggae“. Halaber, hitz gehienak Iñaki Irazuk eta Bernardo Atxagak idatzitakoak dira. Geroztik, Irazuk hainbat kantu idatzi ditu Jabier Muguruzarentzat.

Testua: Jon Eskisabel

  • (1) Euskaldunon Egunkaria, 1991ko maiatzaren 1a
  • (2) Euskaldunon Egunkaria, 1992ko urriaren 1a