Inora heltzen ez diren uretan
Ilusio manipulatuetan
Beltzez janzten diren olatuetan, igeri
Dena atzean utzita zenbat kristalezko amets
Sorbalden babes hutsean iluntzez uretaratuak
Beldurrari ihes, bizi nahi, bizi behartua
Lepora doa luzatzen zaien lehenengo eskua
Zuloak handiegiak dituen saretik jausiak
Hezur azalen uretan itoak, galduak, ahantziak
Amestutako helmugan azala eta hitzak zuriak
Odoldutako konplize eskuez estaliz begiak
Inora heltzen ez diren uretan
Ilusio manipulatuetan
Beltzez janzten diren olatuetan, igeri
