2daia1

Bi punturen arteko
distantziarik motzena
maletik gabe zeharkatzen da;
harririk gabe, harrituta.

Goizez askatzen dena
gauez ehuntzen da;
ala aldrebes da?
Aldrebes da!

Esku huts batean
zer kabitzen da?

Esku huts batean, esku oso bat;
esku osoan, beste huts bat.
Bi esku huts, bada!
Bi esku,
bidaia bat.

Bi gorputzen arteko
distantziarik luzeena
begiak itxita zeharkatzen da;
hezurretako argia piztuta.

Puntuen artekoa,
kantua,
bidaia bat da.
Zer da marra zuzena,
lurra borobila bada?

Eskukoa askatzen denean,
zer kabitzen da?
Zer kabida!!

Kabi huts batean, mundu oso bat;
esku osoan, beste huts bat.
Bi esku huts, bada!!
Bi esku,
bidaia bat

bidaia 1

2 da ia 1