Extrasistolea

Beti puntuan ibili zara zu;
kolpe zehatz-zehatzak sortuz.
Baina gaur
zure lekua hartu duzu.

Zerbait ez zebilen justu;
ez zaitut, antza,
ongiegi zaindu.
Baina gaur
hain eder adierazi didazu:

extrasistolea...

taupada bat gutxiago,
huts bat gehiago;
zerutxo bat zurea,
konkistatu didazun
territorio morea.

Gaur...

dena da suspense,
denbora, diamante!
Bat-batean elkar dugu igartzen.
Zein bizirik nolabait ere,
adi-adi-adi,
huts luzeegi hori
zuk noiz hautsi,
bihotz...

Bi hotsez hots nauzu bizitzen;
izan eta izateari uzten.
Baina gaur
ez dakit zer den zer,
eta zer?

Ez dakienaren maitasuna
besterik ez dizut ematen.
Gaur ez zaidalako
ezer burutik sortzen:

extrasistolea...

taupada bat gutxiago,
huts bat gehiago;
zerutxo bat zurea;
konkistatu didazun
territorio morea.

Gaur...

dena da suspense,
denbora, diamante!
Bat-batean elkar dugu igartzen.
Zein bizirik nolabait ere,
adi-adi-adi,
huts luzeegi hori zuk noiz hautsi.

Bi hotsez hots nauzu bizitzen;
izan eta izateari uzten.

Eta ez dakit zer den zer,

bihotz