2020.03.04
Mikel Errazkin

Mikel Errazkin

  • 1974 - 2008
  • Hondarribia (Gipuzkoa)
  • Popa

Atzera

Bostak arte
play_buttonadd_button
 

Bostak arte

1995 - Hirusta


  • Senbagare(Musika: Mikel Errazkin-Hitzak: Itxaro Borda)
    add_buttton
    play_button
    facebook iconfacebook icon
  • One bat(Musika: Mikel Errazkin)
    facebook iconfacebook icon
  • Odolezko malko gorriak(Musika: Mikel Errazkin)
    facebook iconfacebook icon
  • Negar egin(Musika: Mikel Errazkin)
    facebook iconfacebook icon
  • Argi urrakoan(Musika: Mikel Errazkin-Hitzak: Itxaro Borda)
    facebook iconfacebook icon
  • Where my Eileen is waiting(Herrikoia / Moldaketak: Mikel Errazkin)
    facebook iconfacebook icon
  • Karen(Musika: Mikel Errazkin)
    facebook iconfacebook icon
  • Zer sentitzen ote du?(Musika: Mikel Errazkin-Hitzak: Jexus Mari Irazu)
    facebook iconfacebook icon
  • Marigorringo(Musika: Mikel Errazkin)
    facebook iconfacebook icon
  • The mist covered mountains(Herrikoia / Moldaketak: Mikel Errazkin)
    facebook iconfacebook icon
  • Irudimenaren boterea(Musika: Mikel Errazkin)
    facebook iconfacebook icon
  • Ene begiek(Musika: Ruper Ordorika-Hitzak: Joseba Sarrionandia)
    add_buttton
    play_button
    facebook iconfacebook icon

Formatua: CD


Argi kodea: HF 001 KD


Azala: Mikel Errazkin


PARTAIDEAK

  • Aitor Amezaga, pianoa
  • Urbil Artola, gitarra akustikoa, ahots afrikarra
  • Luis Camino, perkusioak, afrikar ahotsa
  • Mikel Errazkin, sintetizadoreak, ahotsak, programazioak, tin whistle, afrikar ahotsa
  • Iker Goenaga, trikitixa
  • Alan Griffin, tin eta low whistle, klarinetea, zeharkako flauta, gaita
  • Ane Irazu, ahotsa
  • Ritxi Salaberria, baxua

GRABAZIOA

Lagin estudioa (Beasain, Gipuzkoa), 1994ko apirila eta abendua bitartean


SOINU TEKNIKARIA

Juanan Ros


EKOIZLEA

Mikel Errazkin


GENEROAK

Folka, Popa

Mikel Errazkin hondarribiarra Sorotan Bele taldearekin egin zen ezagun, 1992. urtean. Euskadi Gaztea irratiko maketa lehiaketa irabazi ostean, taldearen lehen diskoak -Sorotan Bele (Elkar, 1993)- arrakasta itzela lortu zuen bere folk-pop atsegin eta dantzagarriarekin. Txirula jotzeaz gain, konposatu ere egiten zuen Errazkinek talde hartan. Hala, Mundu hegian (Elkar, 1994) bigarren diskoko ia musika guztia Errazkinek sortu zuen. Hilabete batzuk lehenago, buruko tronbosia izan zuen, eta horren ondorioak nabarituko zituen aurrerantzean. Ospitalean sendatzen ari zela, Errazkinen ama hil zen, eta, haren omenez, Hilargi, non zaude? konposatu zuen, Sorotan Beleren bigarren diskorako. Tronbosiak gorputzaren eskuinaldea mugitu ezinda utzi zion, eta txirula jotzeari eta zuzeneko emanaldietan aritzeari laga behar izan zion Errazkinek. Baina jarraitu zuen Sorotan Belen, musika sortuz eta teklatuez eta programazioaz arduratuz.

Gaixotasuna ez zen oztopo izan Errazkinek gustukoen zuena, musika sortzea, egiten jarrai zezan. Are gehiago, hurrengo urteetan bizkortu egin zen haren sorkuntza. 1995ean, Hirusta diskoetxea sortu zuen, eta bere bakarkako lehen lana kaleratu zuen, Bostak arte (Hirusta, 1995). Sorotan Belek egiten zuen musikarekin zerikusi txikia zuen Errazkinen bakarkako lanak, new age, folk eta afrikar doinuak batzen baitzituen, eta pieza gehienak instrumentalak baitziren. Abesturiko kantuen artean,Ruper Ordorikaren “Ene begiek” kantuaren moldaketa zegoen. Sorotan Beleko zenbait kidez gain, musikari ezagunek lagundu zioten diskoa grabatzen: Luis Camino, Alan Griffin (Alboka), Iker Goenaga, Aitor Amezaga (Akelarre)…

934

MIkel Errazkin. (Sonia Samaniego)

1996an, Sorotan Belek azken emanaldia eskaini eta gero, Urbil Artolarekin urte batzuk lehenago abiatutako proiektuari bultzada eman zion Errazkinek. Aixa taldean, Artola eta Errazkinez gain, Iker Goenagak, Kotte Susperregik eta Beti Mugan taldeko Xabi Lopezek hartu zuten parte, eta izenburu bereko kaleratu zuten 1998an. Aurretik, beste lan bat kaleratu zuen Errazkinek, Azken momentuan (Hirusta, 1997), eta berriz ere kolaboratzaile askoren ekarpenak bildu zituen: Mikel Irazoki (M-ak,Bizkar Hezurra…), Kepa Junkera, Josu Salbide (Oskorri), Luis Camino, Joserra Senperena… Disko horretan, Juan Carlos Perezen (Itoiz) pieza instrumental bat (Pieza lasarie) moldatu zuen, eta Carmen Santonja (Vainica Doble) eta Pablo Guerrero espainiarren hitzak musikatu zituen.

El músico Mikel Errazkin.

Mikel Errazkin bere grabazio estudioan. (Gari Garaialde / Argazki Press)

Hurrengo urteetan, beste hiru disko kaleratu zituen: Beti berandu (Hirusta, 1999),Airborn (Hirusta, 2002) -Becky Siegel dantzariak sortutako izen bereko koreografiarako sortutako musika- eta 10.0 (Hirusta, 2004). Disko guztietan musika ulertzeko modu pertsonala islatu zuen Errazkinek: ohiko eskemetatik ateratzeko gogoa, hainbat tradiziotako doinuak nahasteko joera, giroak sortzeko zaletasuna… Horrez gain, beste hainbat proiektutan murgildu zen: Julen Lekuonaren omenezko diskoa zuzendu zuen (Itsasoan urak handi dire, 2004), haurrentzako bi disko argitaratu zituen (Kanta ttikiak eta Gabon kanta ttikiak), eta beste hainbat kantariren diskoak plazaratu zituen Hirusta zigiluan (Markos Unzeta, Joseba Irazoki, Garbiñe Insausti, Jabier Muguruza, Gorka Sarriegi…).

Azken urteetan, Lantz gaur egungo folkeko taldean aritu zen Errazkin, Juan Ezeiza, Josean Martin Zarko (Ganbara taldeko kide ohiak), Xabi Lopez eta Alaitz Telletxearekin, besteak beste.

2008ko otsailean, Errazkinen osasun egoerak okerrera egin zuen, eta gurpil aulkian eman zituen azken hilabeteak. Irailaren 5ean zendu zen. Urtea amaitu baino lehen, Errazkinen azken ekoizpena kaleratu zen, Lo lo, kanta ttikiak (Hirusta, 2008), eta hainbat musikarik Bidean aurkitu zintudan (Hirusta, 2008) diskoa eskaini zioten. Diskoan bildutako musikariek (Urbil eta Txomin Artola, Aitor Furundarena, Gorka Sarriegi, Joseba Irazoki, Nieves Arilla, Lantz taldekoak…) omenaldia egin zioten Errazkini Hondarribian, 2008ko abenduaren 14an.

Testua: Jon Eskisabel