Mila Modu Xabier Yanizek abian jarritako proiektua da. Zirrikitu bat izan nahi du larruazalean, kezka musikal eta intelektualen multzoa azaleratuko duen zirrikitua; elkarlanean bide ireki, zabal eta anitza egin nahi duena. Konposatzeko orduan askatasuna izateko eta, batez ere, hausnarketari bide emateko; izan ere, emozioaren bidez gogoeta egitea da proiektu honen hasierako helburua. Taldea Oskar Arlanzon eta Andoni Campos lagunekin osatu da.