Venta aundi

Euria ari duenean bezala nahi dut bidea: free. Bentaundi libre ez badago whatsapp batean jarri.
Bakoitzak nahi du berea eta nahi du lehenbailehen, egongo ez da ba aberea bere jabearen mendean!
Azkazalak jaten nituen jada XX. mendean eta hogeita piko urte eta gero gutxienez nago berdin.
Azken hatsa bota nahi nuke pon the sound system. Euria ari duenean bezala, dantzan plazaren
erdian.
Arbolak ez dik basoa ikusten uzten. Ez du mozkorrak basoa erdi hutsik ikusten. Izotzak ez zaizkit
urtzen. Hilotzak dauzkat ganbaran, akabatuko nituzke. Lotan dago, nik uste. Ya se acabó, mire
usted. Pertsianak igo, teloia jaitsi eta argiak piztu dituzte. Barraren barruan aterako ez didaten
azkenaren eske. Lurrun eta guzti, aspaldi joan duk hire trena, gazte. Nire buruari namaste, nire
buruak niri nazka. Jaio den lore bakoitzak zenbat arantza dauzka? Urrezko kaiola barruan bakarrik
sentitzen naiz aske. Berriz hasiera bat banu... Non dago nire sehaska? Zail dago korapiloak
askatzen, hotza sartu da eta ezkaratzean. Basamortuak ez dio eguzkiari gupidarik eskatzen. Zauri
batzuk ez dira merkrominarekin tapatzen. Min handiagoa ematen dit jakiteak ni naizela kapazen.
Mikrofonoa hautsiko dut, ni ez naute kapatzen. Faktura handienak ez dira pixkanaka pagatzen. Zure
festan ez gara kabitzen? Ba hobeto nago kalean erretzen eta hotzak akabatzen, farolak botatzen,
oskola loditzen. Denborak daki egia nola bota bortitzen. Kanpandorrean zikoinak eta txerria
lokatzean. Kanpaia jotzen diezue eta ez dira korritzen. Ni jada ez naiz gorritzen, arima daukat ilun,
te berde bat katiluan, etsai handiena ispiluan. Sugea akabatu nezakeen baina bizirik utzi nuen. Zer
inporta dio gatazka intimo hau zeinek hasi duen. Pozoia barruan badago jada ez dago babesik inon,
son. Aterpe bat banuen baina ez naiz gogoratzen non zen. Atera beste bat y me convierto en un
púlsar. Bakarrik eroriko naiz, ez iezadazu bultza.
Eta nahi ez zuenean laguntza, han zeunden zu. Belarrian egiak esaten, nahiz eta inork ez entzun. Ez
dizut ezer eskatzen, baina zu ez joan. Ez nago hutsik, gertatzen zait nagoela beteta hutsunez.
Euria ari duenean bezala...