2014.05.26
Naikari

Naikari

  • 1969 - 1976
  • Popa

Atzera

Naikari
play_buttonadd_button
 

Naikari

1970 - Cinsa


  • Dañok lagun(Musika: Faustino Arrieta-Hitzak: Bittor Egurrola)
    facebook iconfacebook icon
  • Begi eder horrekin(Musika: Faustino Arrieta-Hitzak: Xabier Gereño).
    add_buttton
    play_button
    facebook iconfacebook icon

Formatua: SG


Argi kodea: CIN-168


PARTAIDEAK

  • Xabier Zamudio, ahotsa, gitarra
  • Faustino Arrieta, pianoa, organoa
  • Juan Jose Artetxe, flauta, saxofoia
  • Angel Urketa, flauta, bateria

ORKESTRA MOLDAKETAK

Rafael Ferro


GENEROA

Popa

Lehen kontzertua Gernikako Jai Alai frontoian eman zuten, 1968ko Aberri Egunean. Aretoa gainezka zegoen eta emanaldia arrakastatsua gertatu zen. Handik aurrera, berbenak alaitzeko, miss lehiaketetan abesteko eta Busturialdeko beste hainbat jaialditan parte hartzeko deitu zieten.

1976a bitartean hiru single grabatu zituen Naikarik, hirurak Madrilen, eta Bilboko Cinsa diskoetxeak argitaratu zituen. Faustino Arrietak sortzen zituen doinuak, eta hitzak, berriz, Bittor Egurrola, Xabier Gereño eta beste batzuenak ziren. Grabazioetan, Rafael Ferro (Massiel, Julio Iglesias…) arduratzen zen kantuen moldaketak egiteaz. “Danok lagun” kantuak arrakasta handia lortu zuen 1972an. Urtean 120 emanaldi ere eskaini zituen taldeak; Euskal Herrian ez ezik, Venezuelan ere abestu zuen, eta Kanadan urtebetez lan egiteko eskaintza jaso zuen. Haatik, “ez genuen ezer erabaki eta gure ordezkari artistikoak etxera bidali gintuen. Gazteak ginen, bizimodu eroa genuen eta ez genuen etorkizunean pentsatzen”, dio Zamudiok (1). Espainiako zenbait kantariren zuzeneko talde gisa ere aritu zen Bermeoko Psicodelic dantzalekuan (Salome, Massiel, Betty Missiego…).

Zentsurarekin topo egin zuen Naikarik ere. “Herria” -taldearen kanturik ezagunenetako bat- grabatzea debekatu egin zieten, eta emanaldietan abesteko ere arazoak izaten zituzten. Markinan, esaterako, Guardia Zibila agertu zen eta agertokitik jaistera behartu zituen.

2008ko otsailaren 9an omenaldia egin zioten taldeari, Gernikako Lizeo antzokian. Naikari taldeaz gain, Bittor Egurrola eta Jon Enbeita izan ziren han, besteak beste.

Zamudio Los 5 Bilbainos taldean aritu zen 20 urtez, eta 2006an Irrintzi taldea sortu zuen. 2008an Bilbainada Lehiaketa irabazi zuen, “Berton Bilbo” kantuarekin.

Testua: Jon Eskisabel

  • (1) El Correo, 2008ko martxoaren 16a