Paranoia

Zurrun gor bat kateetan dilindan
Arimako urkhabe goratik:
Euli beltzek botzezko firrindan
Jan arren, hor dago beti zutik.

Haur ilhortu baten ezurtxoak
Neska-lehen-odolaz nahasiz
Egiten du sorgin den atxoak
Maitagailu bat, on dena guziz

Guk ordea zer dagigu hemen
Kantatuz goiz-arrats Miserere,
Minak orhoit gure zahar amen

Eta zainduz, ez jakinik ere,
—gure symbol eta gure itzal—
Urkhatu haur urkhabean martzal!