Hitzak Endika Iriso-Musika: Rotten XIII
Soinua: Sound of Sirens estudioa
Edizioa: Ahotsa.info
Barrak eta izarrak
muga barik munduan,
zenbat kabroi sartzen diren
billete barruan...
Hegoamerikan
egindako bekatuak,
Agente Laranjaren
seme deformatuak,
Udaberri Arabiarrak
eta afrikarren negarrak
ikusi ditzaket islatuak
Askatasunaren Estatuan.
Trinityren eztanda
Inperio Niponean,
pertsonen salerosketa
Europar kostaldean,
gerla eta gosea
urrun diren bitartean,
zein ederrak kalabazak
eskaparatean.
Erori ziren dorreak
New Yorkeko bihotzean,
baina ez zitzaien joan ordea,
Pentagonoan irribarrea.
Biolentziaren ekonomia
gerlaren jokuarekin
etekina ateratzeko
edozein izan daiteke
aitzakia.
